പത്തനംതിട്ട: ആന്റോ ആന്റണി തോല്‍വി സമ്മതിച്ചതിന് തുല്യമാണ് അദ്ദേഹത്തിന്റെ പ്രതികരണങ്ങളെന്ന് പി സി ജോര്‍ജ്. വോട്ടെടുപ്പ് ദിവസം വൈകുന്നേരം വീട്ടിലെത്തിയ എന്‍ഡിഎ സ്ഥാനാര്‍ത്ഥി അനില്‍ ആന്റണിയുമായുള്ള ചര്‍ച്ചകള്‍ക്ക് ശേഷം സംസാരിക്കുകയായിരുന്നു അദ്ദേഹം. ആന്റോ ആന്റണി സംസാരിക്കുന്നത് ചിത്തഭ്രമം ബാധിച്ചതുപോലെയാണെന്നും പി സി ജോര്‍ജ് പറഞ്ഞു.
തോല്‍വി ഉറപ്പിച്ചതിന്റെ ഭാഗമാണ് വോട്ടിംഗ് യന്ത്രത്തെ കുറ്റം പറയുന്നത്. അനില്‍ ആന്റണി വിജയിച്ചിരിക്കുന്നു എന്ന് ഉറപ്പിക്കാമെന്ന് പി സി ജോര്‍ജ് പറഞ്ഞു. ബിജെപി അഞ്ച് സീറ്റില്‍ വിജയിക്കും. എഴുപത് ശതമാനം എല്‍ഡിഎഫിന്റെയും ബാക്കി യുഡിഎഫിന്റേതുമായി ഇരുപത് മണ്ഡലത്തിലും ഒരു ലക്ഷത്തിലേറെ വോട്ട് ലഭിക്കും. 2029ല്‍ ബിജെപി ഒറ്റയ്‌ക്ക് കേരളം ഭരിക്കുമെന്നും പി സി ജോര്‍ജ് പറഞ്ഞു.
വോട്ടിംഗ് യന്ത്രത്തില്‍ ചിഹ്നം വലുതാണെന്ന പരാതി ആദ്യമായാണ് കേള്‍ക്കുന്നതെന്ന് അനില്‍ ആന്റണി പറഞ്ഞു. ആന്റോ ആന്റണി പരാജയം സമ്മതിച്ചുകഴിഞ്ഞെന്നും അദ്ദേഹം അഭിപ്രായപ്പെട്ടു.
പ്രതികരിക്കാൻ ഇവിടെ എഴുതുക: