സിബിൻ ബിഗ് ബോസിൽ നിന്നും പുറത്തേക്ക് പോയത് മറ്റ് മത്സരാർ‌ത്ഥികളെയും പ്രേക്ഷകരെയും അമ്പരപ്പിച്ചിരുന്നു. രണ്ട് ദിവസം മാറി നിന്ന ശേഷം സിബിൻ തിരിച്ച് വരുമെന്നാണ് മിക്കവരും കരുതിയത്. സിബിന്റെ പിന്മാറ്റം സോഷ്യൽ മീഡിയയിൽ ഇതിനോടകം ചർച്ചയായിട്ടുണ്ട്. ബിഗ് ബോസ് മനപ്പൂർവം സിബിനെ പുറത്താക്കി എന്ന ആരോപണവും വന്നു. കഴിഞ്ഞ വീക്കെന്റ് എപ്പിസോഡിൽ മോഹൻലാലിൽ നിന്നും ശിക്ഷ ലഭിച്ച ശേഷമാണ് സിബിൻ മാനസികമായി തകർന്ന് പോയത്. സിബിന് ലഭിച്ച ശിക്ഷ കൂടിപ്പോയെന്നാണ് പ്രേക്ഷകരിൽ ഒരു വിഭാഗം പറയുന്നത്.
കഴിഞ്ഞ ദിവസങ്ങളിലായി ബിഗ് ബോസ് ഡയറക്ടർക്കെതിരെയും വ്യാപക വിമർശനം വന്നു. എന്നാൽ മനക്കരുത്തില്ലാത്തവർ ഷോയിൽ നിന്ന് പുറത്തേക്ക് പോകുന്നതാണ് നല്ലതെന്ന വാദവും ഉണ്ട്. തന്നെ പുറത്താക്കിയതാണെന്നാണ് സിബിൻ പറയുന്നത്. പുറത്ത് പോകണമെന്ന് താൻ പറഞ്ഞിട്ടില്ല. ആ അന്തരീക്ഷത്തിൽ നിന്ന് ഒന്ന് മാറി നിൽക്കണമെന്നേ ഉണ്ടായിരുന്നുള്ളൂയെന്ന് സിബിൻ എയർപോർട്ടിൽ വെച്ച് മാധ്യമങ്ങളോട് പറഞ്ഞു.
സിബിന്റെ വാദം തെറ്റാണെന്നാണ് പ്രേക്ഷകർ ഇപ്പോൾ പറയുന്നത്. പുറത്തിറങ്ങി കാര്യങ്ങൾ മനസിലാക്കി വീണ്ടും ഷോയിലേക്ക് കയറാനായിരുന്നു സിബിന്റെ ശ്രമമെന്നും വാദം വന്നു. ഇതേക്കുറിച്ച് ഒരു ബിഗ് ബോസ് പ്രേക്ഷകൻ പ്രേക്ഷകർ പങ്കുവെച്ച കുറിപ്പ് ശ്രദ്ധ നേടുകയാണ്. ‘അയാൾക്ക് കിട്ടിയ അവസരം പ്രയോജനപ്പെടുത്താൻ ആവാതെ ചുമ്മാ ഡ്രാമ കാണിച്ച് പുറത്തു പോയിട്ട് അവസരം തന്ന ആൾക്കാരെ തന്നെ സംശയത്തിന്റെ നിഴലിൽ സമൂഹത്തിന്റെ മുന്നോട്ട് ഇട്ട് കൊടുക്കുന്നത് അത്ര നല്ല കാര്യമല്ല’
ഏതു ഭാഷകളിലെ ബിഗ് ബോസ് എടുത്താലും ആങ്കർ ടോപ് പ്ലേയേഴ്സിനെ എല്ലാം നല്ലവണ്ണം റോസ്റ്റ് ചെയ്തി‌ട്ടുണ്ട്. മലയാളത്തിലാണെങ്കിൽ പോലും ആദ്യത്തെ സീസൺ മുതൽ ഈ സീസണിലെ കഴിഞ്ഞ വീക്കെൻഡ് എപ്പിസോഡ് വരെ അവിടെ കളിക്കുന്ന എല്ലാ പ്ലേയേഴ്സിനെയും ലാലേട്ടൻ നല്ല രീതിയിൽ എടുത്ത് റോസ്റ്റ് ചെയ്യാറുണ്ട്. അതിന്റെ ഇടയിൽ പോസിറ്റീവ് ആയിട്ട് മാത്രമേ ഞാൻ കളിക്കത്തുള്ളൂ എന്നെ നെഗറ്റീവ് പറയാനോ ചെയ്യാനോ പാടില്ല എന്നൊക്കെ പറഞ്ഞ് ഏതെങ്കിലും മത്സരാർത്ഥത്തിൽ വന്നാൽ അത് ഇങ്ങനെ ഒരു ഷോയില് പ്രാക്ടിക്കൽ ആക്കാൻ പറ്റുമോ?’
‘ഇവിടെ സിബിൻ ശരിക്കും നടത്തിയത് 100% ഒരു ഡ്രാമയാണ്. ഇമോഷണൽ ഡൗണായെന്ന് ആക്ട് ചെയ്യുക പിന്നെ പുറത്തുപോയി രണ്ടുദിവസം കഴിഞ്ഞ് കാര്യങ്ങൾ അറിഞ്ഞ് തിരിച്ചു കയറുക. ഈ ഡ്രാമയാണ് ബോസ് അണ്ണൻ പൊളിച്ച് കയ്യിൽ കൊടുത്തത്. ഇങ്ങനെയൊരു പ്രശ്നം വരുമ്പോൾ ഏതു മത്സരാർത്ഥിയെയും രണ്ടുദിവസം മാറ്റിനിർത്തി പിന്നീട് വീണ്ടും റീ എൻട്രി ചെയ്യിക്കുമെന്ന് നല്ലതുപോലെ അറിയാം’
ബിഗ് ബോസിനോട് കളിക്കാൻ അവിടെയുള്ളവർ സമ്മതിക്കുമോ. അതുകൊണ്ടുതന്നെയാണ് വിട്ടു പൊക്കോടാ മോനെ എന്ന് പറഞ്ഞ് അവർ നൈസായിട്ട് അയാളുടെ ഈ സെയിം ഡ്രാമ ഉപയോഗിച്ച് തന്നെ അയാളെ പറഞ്ഞുവിട്ടത്,’ ബിഗ് ബോസ് പ്രേക്ഷകന്റെ കുറിപ്പിങ്ങനെ.
പ്രതികരിക്കാൻ ഇവിടെ എഴുതുക