ആലപ്പുഴ: തഴുപ്പ് ബാറില്‍ മാരകായുധങ്ങളുമായി ഭീകരാന്തരീക്ഷം സൃഷ്ടിച്ച യുവാക്കള്‍ അറസ്റ്റില്‍. ജിത്തുമോന്‍ (25), രഞ്ജിത്ത് (27), അനന്തപത്മനാഭന്‍( 25), ദിനു (26) എന്നിവരെയാണ് അറസ്റ്റ് ചെയ്തത്.
ബാറില്‍ സംഘര്‍ഷമെന്ന വിവരം അറിഞ്ഞെത്തിയ പൊലീസിനെ ഇവര്‍ ആക്രമിക്കുകയായിരുന്നു. ഒരു കൂട്ടം യുവാക്കള്‍ ബാറില്‍ തൊഴിലാളികളെയും ബാറിലെത്തിയ മറ്റുള്ളവരെയും ഭീഷണിപ്പെടുത്തിയതിനെ തുടര്‍ന്ന് പൊലീസെത്തി പിടികൂടുകയായിരുന്നു.
അമിത ലഹരിയിലായിരുന്ന യുവാക്കളില്‍ നിന്ന് ആയുധങ്ങള്‍ പിടിച്ചെടുത്തു. യുവാക്കളെ കസ്റ്റഡിയിലെടുക്കവെ പൊലീസിനെ ആക്രമിക്കുകയായിരുന്നു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: