കോഴിക്കോട്: മെഡിക്കല്‍ കോളേജ് ഐസിയു പീഡനക്കേസിലെ അതിജീവിത റോഡരികില്‍ സമരമിരുന്ന സംഭവത്തില്‍ കോഴിക്കോട് സിറ്റി പൊലീസ് കമ്മീഷണറോട് വിശദീകരണം തേടി ഉത്തരമേഖല മേഖല ഐജി.ഗൈനക്കോളജിസ്റ്റ് കെ വി പ്രീതിക്കെതിരായ കേസില്‍ അന്വേഷണറിപ്പോര്‍ട്ട് അഞ്ച് മാസം കഴിഞ്ഞിട്ടും അതിജീവിതയ്‌ക്ക് കൈമാറാത്തതിലും മൂന്ന് ദിവസത്തിനകം വിശദീകരണം നല്‍കണമെന്നാണ് കമ്മീഷണറോട് ആവശ്യപ്പെട്ടത്.
ലോക്‌സഭാ തെരഞ്ഞെടുപ്പ് സാഹചര്യം കൂടി കണക്കിലെടുത്ത് സംഭവം അന്വേഷിക്കാന്‍ മുഖ്യമന്ത്രിയുടെ ഓഫീസ് ഐജിയ്‌ക്ക് നിര്‍ദ്ദേശം നല്‍കിയിരുന്നു. ഇത് പ്രകാരമാണ് കമ്മീഷണറോട് ഐജി വിശദീകരണം തേടിയത്.
അതിനിടെ, വിവരാവകാശ നിയമപ്രകാരം ആവശ്യപ്പെട്ടിട്ടും റിപ്പോര്‍ട്ട് നല്‍കാന്‍ വൈകുന്നതില്‍ പ്രതിഷേധിച്ച് അതിജീവിത സമരം കോഴിക്കോട് സിറ്റിപൊലീസ് കമ്മീഷണര്‍ ഓഫീസിന് മുന്നിലെ റോഡിലേക്ക് മാറ്റി.റിപ്പോര്‍ട്ട് കിട്ടും വരെ സമരം തുടരാനാണ് തീരുമാനം.
പ്രതികരിക്കാൻ ഇവിടെ എഴുതുക: