ഏതു പ്രായത്തിലുള്ളവര്‍ക്കും ഹെല്‍ത്ത് ഇന്‍ഷുറന്‍സ് പോളിസി നല്‍കാന്‍ കമ്പനികള്‍ക്കൂ ബാധ്യതയുണ്ടെന്ന് ഇന്‍ഷുറന്‍സ് റെഗുലേറ്ററി ആന്‍ഡ് ഡെവലപ്മെന്റ് അതോറിറ്റി ഓഫ് ഇന്ത്യ (ഐആര്‍ഡിഎഐ) പുതുക്കിയ വിജ്ഞാപനത്തില്‍ വ്യക്തമാക്കി. നേരത്തെ 65 വയസ്സു വരെയുള്ളവര്‍ക്കു മാത്രമേ ഹെല്‍ത്ത് ഇന്‍ഷുറന്‍സ് പോളിസി എടുക്കാനാവുമായിരുന്നുള്ളൂ. എല്ലാവരെയും ആരോഗ്യ ഇന്‍ഷുറന്‍സ് പരിധിയില്‍ കൊണ്ടുവരാന്‍ ലക്ഷ്യമിട്ടാണ് ഐആര്‍ഡിഎ നയത്തില്‍ മാറ്റം വരുത്തിയത്.
മുതിര്‍ന്ന പൗരന്മാര്‍ക്ക് പ്രയോജനം ചെയ്യുന്ന പോളിസികള്‍ അവതരിപ്പിക്കുന്നത് ഇന്‍ഷുറന്‍സ് റെഗുലേറ്ററി അതോറിറ്റി നിര്‍ബന്ധമാക്കിയിട്ടുണ്ട്. ക്ലെയിമുകളുടെ സുഗമവും വേഗത്തിലുള്ളതുമായ തീര്‍പ്പാക്കലിനും പരാതി പരിഹാരത്തിനും പ്രത്യേക ചാനലുകള്‍ തുറക്കാനും നിര്‍ദ്ദേശം നല്‍കി.
കാന്‍സര്‍, ഹൃദയ, വൃക്കസംബന്ധമായ പ്രശ്‌നങ്ങള്‍, എയ്ഡ്‌സ് തുടങ്ങിയവ ബാധിച്ചവര്‍ക്ക് പോളിസി നിഷേധിക്കാന്‍ പാടില്ല. നിലവിലുള്ള വ്യവസ്ഥകള്‍ക്കായുള്ള വെയിറ്റിംഗ് പിരീഡ് 48 മാസത്തില്‍ നിന്ന് 36 മാസമായി കുറച്ചു. ഈ കാലയളവിനുശേഷം, പോളിസി ആരംഭിക്കുന്ന സമയത്ത് അത് വെളിപ്പെടുത്തിയിട്ടുണ്ടോ ഇല്ലയോ എന്നത് പരിഗണിക്കാതെ വ്യവസ്ഥകള്‍ പാലിച്ചിരിക്കണം. ഈ കാലയളവിനുശേഷം ക്ലെയിമുകള്‍ നിരസിക്കുന്നത് നിയമവിരുദ്ധമാക്കി.
പ്രതികരിക്കാൻ ഇവിടെ എഴുതുക: