കോഴിക്കോട് :പ്രസവശസ്ത്രക്രിയക്കിടെ വയറ്റില്‍ കത്രിക കുടുങ്ങി വലിയ ആരോഗ്യപ്രശ്നങ്ങള് ഉണ്ടായ കോഴിക്കോട് സ്വദേശിനി കെ കെ ഹര്‍ഷീനയുടെ ദുരിതം തുടരുന്നു. അടുത്ത മാസം വീണ്ടും ശസ്ത്രക്രിയക്ക് വിധേയയാകും.
തുടര്‍ ചികിത്സയില്‍ സര്‍ക്കാര്‍ സഹായം വേണമെന്ന് ഹര്‍ഷിന ആവശ്യപ്പെട്ടു. കോഴിക്കോട് മെഡിക്കല്‍ കോളേജ് ആശുപത്രി ജീവനക്കാരുടെ അശ്രദ്ധയാണ് പന്തീരാങ്കാവ് സ്വദേശിനി കെ കെ ഹര്‍ഷീനയെ ദുരിതത്തിലാക്കിയത്.
വയറ്റില്‍ കുടുങ്ങിയ കത്രിക പുറത്തെടുത്തിട്ടും ആരോഗ്യപ്രശ്നങ്ങള് യുവതിയെ അലട്ടുകയാണ്.വയറിനുള്ളില്‍ വീണ്ടും കൊഴുപ്പ് അടിഞ്ഞു കൂടിയതിനെ തുടര്‍ന്ന് അത് നീക്കം ചെയ്യാനാണ് വീണ്ടും ശസ്ത്രക്രിയ നടത്തുന്നത്. അടുത്ത മാസം 11 നാണ് അഞ്ചാമത്തെ ശസ്ത്രക്രിയ നിശ്ചയിച്ചിരിക്കുന്നത്.
മെഡിക്കല്‍ കോളജില്‍ പ്രസവ ശസ്ത്രക്രിയക്കിടെയാണ് ഹര്‍ഷീനയുടെ വയറ്റില്‍ കത്രിക കുടുങ്ങിയത് എന്ന് പൊലിസ് കണ്ടെത്തിയിരുന്നു. 2 ഡോക്ടര്‍മാരും, 2 നഴ്സുമാരെയും പ്രതി ചേര്‍ത്ത് കോടതിയില്‍ കുറ്റപത്രവും സമര്‍പ്പിച്ചു.
പ്രതികരിക്കാൻ ഇവിടെ എഴുതുക: