തിരുവനന്തപുരം : സംസ്ഥാനത്ത് വേനല് മഴ തുടരുമെന്ന് കാലാവസ്ഥാ പ്രവചനം. ഉച്ച തിരിഞ്ഞ് മലയോര മേഖലകളില് ഇടിമിന്നലോട് കൂടിയ വേനല് മഴ ലഭിച്ചേക്കും. കര്ണാടക- ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്ക്. കേരളതീരത്ത് മത്സ്യബന്ധനത്തിന് തടസമില്ല.
ഇന്ന് മുതല് 24 വരെ പാലക്കാട് ജില്ലയില് ഉയര്ന്ന താപനില 39 ഡിഗ്രി വരെയും, ആലപ്പുഴ ജില്ലയില് ഉയര്ന്ന താപനില 38 ഡിഗ്രിവരെയും, കൊല്ലം, പത്തനംതിട്ട, തൃശൂര്, കോഴിക്കോട്, കണ്ണൂര് ജില്ലയില് ഉയര്ന്ന താപനില 37ഡിഗ്രി വരെയും ഉയരുമെന്നാണ് റിപ്പോര്ട്ട്. കോട്ടയം, എറണാകുളം, മലപ്പുറം ജില്ലകളില് ഉയര്ന്ന താപനില 36 ഡിഗ്രി വരെയും ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില് ചൂട് വര്ദ്ധിക്കും. മലയോര മേഖലകളിലൊഴികെ ഇന്ന് മുതല് 24 വരെ ചൂടും ഈര്പ്പവുമുള്ള കാലാവസ്ഥയ്ക്ക് സാധ്യതയുണ്ട്.
