തിരുവനന്തപുരം :നിയമ വിദ്യാര്‍ത്ഥിനിയെ വിവാഹം ചെയ്ത് കബളിപ്പിച്ച ശേഷം മുങ്ങിയെന്ന പരാതിയില്‍ യുവാവ് അറസ്റ്റില്‍.പാറശാല സ്വദേശി ശ്രുതീഷിനെയാണ് ആണ് പിടികൂടിയത്. ജിംനേഷ്യത്തില്‍ വച്ചാണ് ശ്രുതീഷ് നിയമ വിദ്യാര്‍ത്ഥിനിയെ പരിചയപ്പെട്ടത്. തുടര്‍ന്ന് വിവാഹ വാഗ്ദാനം നല്‍കി പല സ്ഥലങ്ങളിലും കൊണ്ടുപോയി പീഡിപ്പിച്ചു.
ഇതിന് ശേഷം ഇയാള്‍ മറ്റൊരു പെണ്‍കുട്ടിയുമായി വിവാഹം നിശ്ചയം നടത്തിയത് അറിഞ്ഞ് നിയമവിദ്യാര്‍ത്ഥിനി മാസങ്ങള്‍ക്ക് മുമ്പ് പൊലീസില്‍ പരാതി നല്‍കി. കേസില്‍ കുടുങ്ങുമെന്നുറപ്പായതോടെ നിശ്ചയിച്ച വിവാഹം ഒഴിവാക്കി വിദ്യാര്‍ത്ഥിനിയെ സമീപത്തെ ഒരു ക്ഷേത്രത്തില്‍ കൊണ്ടുപോയി വിവാഹം ചെയ്തു.
രണ്ടാഴ്ചയോളം ഒരുമിച്ച് താമസിച്ചു. ഇതിന് ശേഷം ശ്രുതീഷ് ജോലിക്കെന്ന പേരില്‍ തമിഴ്‌നാട്ടിലേക്ക് പോയി. ഇയാള്‍ തിരിച്ചെത്താതായതോടെ പെണ്‍കുട്ടി പാറശാല പൊലീസില്‍ പരാതി നല്‍കുകയായിരുന്നു. ഒളിവിലായിരുന്ന യുവാവിനെ തമിഴ്‌നാട്ടില്‍ നിന്നാണ് നെയ്യാറ്റിന്‍കര പൊലീസ് പിടികൂടിയത് . പ്രതിയെ റിമാന്‍ഡ് ചെയ്തു.
പ്രതികരിക്കാൻ ഇവിടെ എഴുതുക: