ബലൂചിസ്ഥാന്‍: ബലൂചിസ്ഥാന്‍ നിയമസഭാ സ്പീക്കറായി സേവനമനുഷ്ഠിച്ച വനിതാ മന്ത്രി റഹീല ഹമീദ് ഖാന്‍ ദുറാനി ഉള്‍പ്പെടെ 14 അംഗ ത്രികക്ഷി മന്ത്രിസഭയ്‌ക്ക് ബലൂചിസ്ഥാന്‍ ഗവര്‍ണര്‍ അബ്ദുള്‍ വാലി കാക്കര്‍ വെള്ളിയാഴ്ച സത്യവാചകം ചൊല്ലിക്കൊടുത്തു. പ്രവിശ്യാ അസംബ്ലിയിലേക്ക് തിരഞ്ഞെടുക്കപ്പെട്ട പ്രതിനിധികള്‍ അംഗങ്ങളായി സത്യപ്രതിജ്ഞ ചെയ്ത് രണ്ട് മാസത്തിന് ശേഷമാണ് മന്ത്രിസഭ സത്യപ്രതിജ്ഞ ചെയ്തത്. പ്രവിശ്യയുടെ മുഖ്യമന്ത്രിയെ തെരഞ്ഞെടുക്കപ്പെട്ടിട്ട് ഒന്നര മാസത്തിലേറെയായിരുന്നു.
സത്യപ്രതിജ്ഞ ചെയ്തവരില്‍ പിപിപിയുടെ മിര്‍ സാദിഖ് അലി ഉംറാനി, മിര്‍ അലി മദാദ് ജട്ടക്, മിര്‍ സഹൂര്‍ അഹമ്മദ് ബുലേദി, സര്‍ദാര്‍ ഫൈസല്‍ ഖാന്‍ ജമാലി, സര്‍ദാര്‍ സര്‍ഫ്രാസ് ഖാന്‍ ഡോംകി, പിപിപിയുടെ ബഖത് മുഹമ്മദ് കാക്കര്‍ എന്നിവരും ഉള്‍പ്പെടുന്നു. മിര്‍ ഷോയിബ് നുഷര്‍വാനി, മിസ് റഹീല ഹമീദ് ഖാന്‍ ദുറാനി, സര്‍ദാര്‍ അബ്ദുള്‍ റഹ്മാന്‍ ഖേത്രാന്‍, മിര്‍ സലീം അഹമ്മദ് ഖോസ, ഗല്ലോ എന്ന മിര്‍ അസിം കുര്‍ദ്.
ബിഎപി (ബലൂചിസ്ഥാന്‍ പീപ്പിള്‍സ് പാര്‍ട്ടി) പ്രവിശ്യാ കാബിനറ്റുകളിലെ പ്രാതിനിധ്യത്തിനായി മിര്‍ താരിഖ് ഹുസൈന്‍ മാഗ്‌സിയെയും മിര്‍ സിയാവുല്ല ലാംഗോവിനെയും തെരഞ്ഞെടുത്തു. ബലൂചിസ്ഥാന്‍ മുഖ്യമന്ത്രി മിര്‍ സര്‍ഫറാസ് ബുഗ്തി മാര്‍ച്ച് രണ്ടിന് സത്യപ്രതിജ്ഞ ചെയ്ത് അധികാരമേറ്റെങ്കിലും മന്ത്രിസഭ രൂപീകരിക്കാന്‍ അധിക സമയം എടുത്തു.
പ്രതികരിക്കാൻ ഇവിടെ എഴുതുക: