കൊച്ചി: ചെമ്മീന്കറി കഴിച്ച ശേഷം തളര്ച്ച നേരിട്ട യുവാവ് മരിച്ചു. നീറിക്കോട് സ്വദേശി സിബിന് ദാസാണ് (46) മരിച്ചത്. ബുധനാഴ്ച രാത്രി എട്ടരയോടെയായിരുന്നു സംഭവം. ചെമ്മീന്കറി കഴിച്ചതിന് പിന്നാലെ യുവാവിന് ശ്വാസംമുട്ടല് അനുഭവപ്പെട്ടു. തുടര്ന്ന് സ്വകാര്യ ആശുപത്രിയിലേക്ക് കൊണ്ടുപോകവെയാണ് മരണം.
സിബിന്റെ ആന്തരികാവയവങ്ങളുടെ സാമ്പിളുകള് പരിശോധനയ്ക്ക് അയച്ചെന്ന് പൊലീസ് അറിയിച്ചു. എന്ജിന് ഓയില് വിതരണക്കാരനായിരുന്നു സിബിന്. മാള്ട്ടയില് നഴ്സാണ് ഭാര്യ സ്മിത. രണ്ട് കുട്ടികളുണ്ട് .
അടുത്തിടെയാണ് ചെമ്മീന്കറി കഴിച്ച് പാലക്കാട് സ്വദേശിനി നിഖിത (20) മരിച്ചത്. ഈ മാസം ആറിനായിരുന്നു സംഭവം. ചെമ്മീന്കറി കഴിച്ച് യുവതിയുടെ ശരീരമാകെ ചൊറിഞ്ഞ് തടിച്ചിരുന്നു.തൊടുപുഴയിലെ സ്വകാര്യ കണ്ണടക്കടയില് ഓപ്റ്റോമെസ്ട്രിസ്റ്റായിരുന്നു യുവതി. പാലക്കാട് അമ്പലപ്പാറ മേലൂര് നെല്ലിക്കുന്നത്ത് ഗോപാല കൃഷ്ണന്റെയും നിഷയുടെയും മകളാണ്.
