തിരുവനന്തപരം: മുഖ്യമന്ത്രിയുടെ നേതൃത്വത്തില് കേരളത്തില് എല്ലാ ജില്ലകളിലും സംഘടിപ്പിച്ച നവകേരള സദസില് മന്ത്രിമാര് സഞ്ചരിച്ച ആഡംബര ബസില് ഇനി പൊതുജനങ്ങള്ക്കും സഞ്ചരിക്കാം.ഈ ബസിന്റെ കോണ്ട്രാക്ട് കാര്യേജ് പെര്മിറ്റ് മാറ്റി സ്റ്റേജ് കാര്യേജ് ആക്കി മാറ്റി.
നവകേരള സദസിനായി ഭാരത് ബന്സില് നിന്നാണ് 1.15 കോടി രൂപ മുടക്കി ബസ്
വാങ്ങിയത്.കെ എസ് ആര് ടി സി ബഡ്ജറ്റ് ടൂറിസം വിഭാഗത്തിന് കൈമാറാനായിരുന്നു പദ്ധതിയിട്ടിരുന്നതെങ്കിലും അങ്ങനെ നടന്നില്ല.
ബസില് മാറ്റം വരുത്താന് ബംഗളുരുവില് പ്രകാശ് കോച്ച് നിര്മ്മാണ കമ്പനിക്ക് കൈമാറിയിരുന്നു. ഇതിനിടെ ഗതാഗത മന്ത്രി മാറി.
അര ലക്ഷം രൂപ ചെലവില് മുഖ്യമന്ത്രിക്ക് വേണ്ടി ബസില് സ്ഥാപിച്ച സീറ്റ് അഴിച്ചു മാറ്റി. ഭാവിയില് വി ഐ പി യാത്രയ്ക്കായി ഈ സീറ്റ് സൂക്ഷിക്കും.
യാത്രാസാമാനങ്ങള് വയ്ക്കാന് ഇടമില്ലാത്തതിനാല് സീറ്റുകള് പുനക്രമീകരിച്ച് സ്ഥലസൗകര്യമൊരുക്കി. എന്നാല് ബസിന്റെ നിറവും ഡിസൈനും മാറ്റമൊന്നുമില്ല
