തൃശൂര് : ആനപ്രേമികളുടെ ആവേശമായ തെച്ചിക്കോട്ടുകാവ് രാമചന്ദ്രന് തൃശൂര് പൂരത്തില് പങ്കെടുക്കാന് ഫിറ്റ്നസ് സര്ട്ടിഫിക്കറ്റ് ലഭിച്ചു.. സെന്ട്രല് സര്ക്കിള് സോഷ്യല് ഫോറസ്ട്രി കണ്സര്വേറ്റര് അനുമതിക്കായി ശുപാര്ശ ചെയ്തു.
നാളെ നെയ്തല കാവിലമ്മയുടെ തിടമ്പേറ്റുക തെച്ചിക്കോട്ടുകാവ് രാമചന്ദ്രനാകും. ആന ഉടമകളുടെ സമ്മര്ദ്ദമാണ് രാമചന്ദ്രനെ പൂരത്തില് പങ്കെടുപ്പിക്കാനുള്ള വഴിയൊരുക്കിയത്.
വെറ്റിനറി ഡോക്ടര്മാരുടെ നേതൃത്വത്തിലുള്ള സംഘം തെച്ചിക്കോട്ടുകാവ് രാമചന്ദ്രനെ പരിശോധിച്ചിട്ടാണ് ഫിറ്റ്നസ് സര്ട്ടിഫിക്കറ്റ് നല്കിയത്. ഇന്നാണ് പൂരത്തില് പങ്കെടുക്കുന്ന ആനകളുടെ ഫിറ്റ്നസ് പരിശോധന നടന്നത്. രാമചന്ദ്രന് കാഴ്ച പരിമിതിയുളളത് ഫിറ്റ്നസ് കിട്ടാന് തടസമാകുമോ എന്ന് ആശങ്കയുണ്ടായിരുന്നു.
