തിരുവനന്തപുരം: എന്‍ഡിഎ സ്ഥാനാര്‍ത്ഥി രാജീവ് ചന്ദ്രശേഖറിനു പിന്തുണ തേടി പാര്‍ട്ടി പ്രവര്‍ത്തകരുടെ കൂട്ടായ്മ തിരുവനന്തപുരം മണ്ഡലത്തില്‍ സംഘടിപ്പിക്കുന്ന സംഗീത ബാന്‍ഡ് ഷോയ്‌ക്ക് തുടക്കമായി. കഴിഞ്ഞ ദിവസം പൊഴിയൂരിലാണ് പരിപാടി അരങ്ങേറിയത്. അടുത്ത ആറു ദിവസങ്ങള്‍ കൊണ്ട് വിവിധ മണ്ഡലങ്ങളിലെ 21 സ്ഥലങ്ങളില്‍ ബാന്‍ഡ് ഷോ പര്യടനം നടത്തും.
രാജീവ് ചന്ദ്രശേഖറിന്റെ പ്രചരണ ഗാനങ്ങള്‍ക്കൊപ്പം നാടന്‍ പാട്ടുകളും ഷോയുടെ ഭാഗമായി ഗായകര്‍ പാടും. എല്ലാ ദിവസവും വൈകുന്നേരം 4 മണി മുതല്‍ 8 വരെയാണ് ഷോ. ബാന്‍ഡ് ഷോയുടെ ഭാഗമായി പൂവാര്‍, കരിംകുളം, കൊച്ചുതുറ, പുതിയതുറ എന്നീ പ്രദേശങ്ങളില്‍ പര്യടനം നടന്നു.
പ്രതികരിക്കാൻ ഇവിടെ എഴുതുക: