കോട്ടയം: ഇറിഡിയം ലോഹ ബിസിനസ്സില്‍ പങ്കാളിത്തം നല്‍കാമെന്ന് പറഞ്ഞ് പറ്റിച്ച് വെച്ചൂര്‍ സ്വദേശിയില്‍ നിന്നും 21 ലക്ഷം രൂപയും കാറും തട്ടിയെടുത്ത രണ്ട് യുവാക്കളെ വൈക്കം പൊലീസ് അറസ്റ്റു ചെയ്തു. എറണാകുളം വേങ്ങൂര്‍ കൈപ്പിള്ളി അമ്പലത്തിന് സമീപനം വാടകയ്‌ക്ക് താമസിക്കുന്ന അംഗനാട് വിഷ്ണു (30) കാലടി നെടുംപുറത്ത് വിനു (48) എന്നിവരെയാണ് അറസ്റ്റ് ചെയ്തത് 2021 മുതല്‍ 24 വരെയുള്ള കാലയളവില്‍ ആണ് തട്ടിപ്പ് നടത്തിയത് പോലീസ് പറഞ്ഞു.
അന്താരാഷ്‌ട്ര വിപണിയില്‍ വന്‍ വിലയുള്ള ലോഹമാണ് ഇറിഡിയം. റൈസ് പുള്ളര്‍, താഴികക്കുടം തുടങ്ങിയ പേരുകളില്‍ ഇറിഡിയത്തില്‍ നിര്‍മിച്ചതെന്ന് വിശ്വസിപ്പിച്ച വസ്തുക്കളും അനധികൃത വിപണിയില്‍ സജീവമാണ്. ഇവ കാട്ടി അന്ധവിശ്വാസം ചൂഷണം ചെയ്ത് തട്ടിപ്പ് നടത്തുന്ന അന്തര്‍സംസ്ഥാന സംഘങ്ങള്‍ ഏറെയാണ്.
പ്രതികരിക്കാൻ ഇവിടെ എഴുതുക: