ന്യൂദല്‍ഹി : ലിവ് ഇന്‍ ബന്ധത്തിലായിരുന്ന യുട്യൂബര്‍മാരായ യുവാവും യുവതിയും ബഹുനില കെട്ടിടത്തിന്റെ ഏഴാം നിലയില്‍നിന്നു ചാടി മരിച്ചു.
ഗര്‍വിത് സിംഗ് ഗ്യാരി (25), നന്ദിനി കശ്യപ് (22) എന്നിവരാണ് മരിച്ചത്.
സമൂഹമാധ്യമങ്ങളില്‍ ഏറെ ആരാധകരുള്ളവരാണ് ഇരുവരും. നിരവധി ഹ്രസ്വ ചിത്രങ്ങളും നിര്‍മിച്ചിട്ടുണ്ട്.
ഗര്‍വിതും നന്ദിനിയും അവരുടെ സംഘത്തിനൊപ്പം ഡെറാഡൂണില്‍നിന്നും ഹരിയാനിലെ ബഹദൂര്‍ഗഡിലേക്ക് താമസം മാറ്റിയത് ദിവസങ്ങള്‍ക്ക് മുമ്പാണ്. റുഹീല റെസിഡന്‍സിയുടെ ഏഴാം നിലയില്‍ ഫ്‌ലാറ്റ് വാടകയ്‌ക്കെടുത്ത് അഞ്ച് സഹപ്രവര്‍ത്തകര്‍ക്കൊപ്പം താമസിച്ച് വരികയായിരുന്നു.
ഷൂട്ടിംഗിനു ശേഷം ഇന്നലെ രാത്രി വൈകിയാണ് ഇരുവരും ഫ്‌ലാറ്റിലെത്തിയത്. രാവിലെ ഷൂട്ടിംഗ് സംബന്ധിച്ച തര്‍ക്കത്തെ തുടര്‍ന്നാണ് കെട്ടിടത്തിന് മുകളില്‍നിന്നു ചാടി ജീവനൊടുക്കിയത്.
സംഭവത്തില്‍ പൊലീസ് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: