ഹൈദരാബാദ്: ഇന്ത്യന്‍ സൂപ്പര്‍ ലീഗ്(ഐഎസ്എഎല്‍) ഫുട്‌ബോളില്‍ സീസണിലെ അവസാന ലീഗ് പോരാട്ടത്തിനിറങ്ങിയ കേരള ബ്ലാസ്റ്റേഴ്സ് എഫ്‌സിക്ക് വിജയം. സീസണില്‍ ഒരേയൊരു വിജയം മാത്രം സ്വന്തമാക്കാന്‍ സാധിച്ച മുന്‍ ജേതാക്കളായ ഹൈദരാബാദ് എഫ്‌സിയെ ആണ് ഇന്നലെ ബ്ലാസ്റ്റേഴ്സ് തോല്‍പ്പിച്ചത്.
അവരുടെ തട്ടകത്തില്‍ നടന്ന കളിയില്‍ ഒന്നിനെതിരെ മൂന്ന് ഗോളുകള്‍ക്കായിരുന്നു വിജയം. ബ്ലാസ്റ്റേഴ്സിനായി 34-ാം മിനിറ്റില്‍ മുഹമ്മദ് അയ്‌മെന്‍ ആദ്യ ഗോള്‍ നേടി. ഒന്നാം പകുതിയില്‍ ഈ ഗോളില്‍ മുന്നിട്ടു നിന്നു ബ്ലാസ്റ്റേഴ്സ്. രണ്ടാം പകുതിയുടെ തുടക്കത്തിലേ ഡൈസുക സകായി നേടിയ ഗോളില്‍ ബ്ലാസ്റ്റേഴ്സ് ലീഡ് ഇരട്ടിപ്പിച്ചു. 81-ാം മിനിറ്റില്‍ നിഹാല്‍ സുദീഷ് ലീഡ് 3-0 ആയി ഉയര്‍ത്തി. 88-ാം മിനിറ്റില്‍ ജോ വിക്ടറിലൂടെയാണ് ഹൈദരാബാദ് ആശ്വാസ ഗോള്‍ നേടിയത്. ഇനി കേരള ബ്ലാസ്റ്റേഴ്സിന് പ്ലേ ഓഫ് മത്സരമാണ് കളിക്കാനുള്ളത്. ഇന്നും നാളെയും നടക്കുന്ന മത്സരങ്ങള്‍ കൂടി പൂര്‍ത്തിയായ ശേഷമേ ബ്ലാസ്റ്റേഴ്‌സിന്റെ പ്ലേ ഓഫ് എതിരാളിയെ അറിയാന്‍ സാധിക്കൂ.
പ്രതികരിക്കാൻ ഇവിടെ എഴുതുക: