ഹമീര്പൂര് (ഹിമാചല് പ്രദേശ്): ദേശീയ തലത്തില് സ്വീകാര്യതയുള്ള നിരവധി നേതാക്കള് ഉണ്ടാകാം എന്നാല് രാജ്യം വിശ്വസിക്കുന്നത് പ്രധാനമന്ത്രി നരേന്ദ്ര മോദിയെ മാത്രമാണെന്ന് കേന്ദ്രമന്ത്രിയും ബിജെപി നേതാവുമായ അനുരാഗ് ഠാക്കൂര് പറഞ്ഞു. രാജ്യ സേവനത്തിന്റെ കാര്യത്തില് മോദിയുടെ ഗ്യാരന്റി ആണ് ആ വിശ്വാസത്തിനു കാരണമെന്ന് അദേഹം പറഞ്ഞു.
താന് താന് ലോക്സഭയിലേക്ക് മത്സരിക്കുന്ന മണ്ഡലമായ ഹമീര്പൂരില് മാധ്യമപ്രവര്ത്തകരോട് സംസാരിക്കുകയായിരുന്നു ഠാക്കൂര്. തെരഞ്ഞെടുപ്പുകാലത്ത് കോണ്ഗ്രസിനെ ഭിന്നിപ്പിക്കുന്ന രാഷ്ട്രീയം അവലംബിക്കുകയാണെന്നും അതിന്റെ യഥാര്ത്ഥ നിറം ഇപ്പോള് വെളിപ്പെട്ടിരിക്കുകയാണെന്നും അദ്ദേഹം കൂട്ടിച്ചേര്ത്തു.
തെരഞ്ഞെടുപ്പ് വരുമ്പോഴെല്ലാം, കോണ്ഗ്രസ് വിഭജന രാഷ്ട്രീയത്തിലേക്ക് മാറുന്നു. അവരുടെ വിഭജന തന്ത്രങ്ങളുടെ നിരവധി ഉദാഹരണങ്ങള് നിങ്ങള്ക്ക് കണ്ടെത്താനാകും. എന്നിരുന്നാലും, അവരുടെ യഥാര്ത്ഥ നിറം ഇപ്പോള് ജനങ്ങള്ക്ക് മുന്നില് തുറന്നുകാട്ടപ്പെടുന്നു. അയോധ്യയിലെ രാമക്ഷേത്രത്തെ അവര് എതിര്ത്തു. ദീര്ഘകാലമായുള്ള ആവശ്യം ഭാവനയുടെ സൃഷ്ടിയായി തള്ളിക്കളഞ്ഞു. രാമസേതുവിന്റെ അസ്തിത്വത്തെപ്പോലും അവര് ചോദ്യം ചെയ്തു. എന്നാല് ഇന്ന് ജനങ്ങള് കൂടുതല് അവബോധവും പ്രബുദ്ധരുമാണെന്നും അദ്ദേഹം പറഞ്ഞു.
