പുതുച്ചേരി: ലീഗ് റൗണ്ടിന് ഒരു ദിവസം ബാക്കി നില്ക്കെ യൂത്ത് നാഷണല് ബാസ്ക്കറ്റ്ബോളില് കേരളത്തിന്റെ പെണ് ടീം ക്വാര്ട്ടര് ഫൈനല് ഉറപ്പിച്ചു. ഗ്രൂപ്പില് തുടര്ച്ചയായ മൂന്നാം ജയത്തോടെയാണ് കേരളം ക്വാര്ട്ടര് ഉറപ്പാക്കിയത്. പോണ്ടിച്ചേരിയിലെ രാജീവ് ഗാന്ധി ഇന്ഡോര് സ്റ്റേഡിയത്തില് നടന്നുവരുന്ന ടൂര്ണമെന്റില് ബുധനാഴ്ചയാണ് കേരള ടീമിന്റെ ക്വാര്ട്ടര് മത്സരം.
ഉജ്വലമായി പോരാടിയ കേരള ആണ് ടീം അധിക സമയം നീണ്ട ഒരു മത്സരത്തില് നിലവിലെ ചാമ്പ്യന് പഞ്ചാബിനോട് 76-84 എന്ന സ്കോറിന് പൊരുതി തോറ്റു. എങ്കിലും ക്വാര്ട്ടര് ഫൈനല് സാധ്യതാ നിലനിര്ത്തി. പെണ്പോരില് നിലവിലെ ചാമ്പ്യന്മാരായ മഹാരാഷ്ട്രയ്ക്ക് രാജസ്ഥാനില് ഞെട്ടിക്കുന്ന തോല്വി നേരിടേണ്ടിവന്നു. 63-81നായിരുന്ന ചാമ്പ്യന്മാരുടെ തോല്വി.
ആണ്കുട്ടികളുടെ മറ്റ് മത്സരങ്ങള് ഹരിയാന മധ്യപ്രദേശിനെ പരാജയപ്പെടുത്തി (66-47), ചണ്ഡീഗഢ് ഒഡീഷയെ പരാജയപ്പെടുത്തി (68-59) രാജസ്ഥാന് ബീഹാറിനെ പരാജയപ്പെടുത്തി (63-50).
പെണ്പോരില് കര്ണാടക ഉത്തര്പ്രദേശിനെയും (67-32) കേരളം പഞ്ചാബിനെയും (56-53) തോല്പിച്ചു. കേരളത്തിനായി നിരഞ്ജന ജജു(22), അര്ത്ഥിക (16) എന്നിനപ്ഡ മികച്ച പ്രകടനം കാഴ്ച്ചവച്ചു.
