ബിജെപിയുടെ ലോകസഭാ തെരഞ്ഞെടുപ്പു വിജയത്തിനായി പുണെ ഫിലിം ഇന്‍സ്റ്റിറ്റിയൂട്ട് ബിരുദധാരിയും മലയാള ചലച്ചിത്ര സംവിധായകനുമായ രഘുനാഥ് എന്‍.ബി. യുടെ നേതൃത്തില്‍ ‘എല്ലാരും ചൊല്ലണ്’ എന്ന പേരില്‍ വെബ്‌സീരീസ് തയാറാക്കി.
മോദി സര്‍ക്കാരിന്റെ ജനപ്രിയവും ജനോപകാരപ്രദവുമായ പദ്ധതികളെ കുറിച്ച് ജനങ്ങള്‍ക്ക് ബോധവല്‍ക്കരണം നല്‍കാനുദ്ദേശിച്ചുള്ള പരമ്പരയിലൂടെ ഗ്രാമീണ ആവാസ് യോജന, സ്വച്ഛ് ഭാരത്, ഉജ്ജ്വല യോജന തുടങ്ങിയ വിവിധ പദ്ധതികളെ അധികരിച്ചു പത്തോളം ഹ്രസ്വചിത്രങ്ങള്‍ ഇതിനോടകം നിര്‍മിച്ച് കഴിഞ്ഞു.
മൂന്നു മുതല്‍ അഞ്ചു മിനിറ്റു വരെ ദൈര്‍ഘ്യമുള്ള ഈ ഹ്രസ്വചിതങ്ങള്‍ ‘എല്ലാരും ചൊല്ലണ് ‘(https://www.youtube.com/@ellarumchollanu) എന്ന യൂട്യൂബ് ചാനലില്‍ പൊതുജനങ്ങള്‍ക്ക് കാണാം. ആഴ്ചയില്‍ മൂന്ന് പുതിയ വീഡിയോകള്‍ വീതം റിലീസ് ചെയ്യത്തക്കവിധമാണ് ഷൂട്ടിങ് പുരോഗമിക്കുന്നത്. ഇതോടൊപ്പം ചേര്‍ത്തിട്ടുള്ള ക്യു ആര്‍ കോഡ് സ്‌കാന്‍ ചെയ്തും മൊബൈല്‍ ഫോണില്‍ ഈ വീഡിയോകള്‍ കാണാം.
പ്രതികരിക്കാൻ ഇവിടെ എഴുതുക: