ഉണ്ണി മുകുന്ദനെ നായകനാക്കി രഞ്ജിത്ത് ശങ്കർ തിരക്കഥ എഴുതി സംവിധാനം ചെയ്യുന്ന ചിത്രം ‘ജയ് ഗണേഷ്’ ഇന്ന് തീയറ്ററിൽ എത്തി. ഡ്രീംസ് എൻ ബിയോണ്ട്, ഉണ്ണിമുകുന്ദൻ ഫിലിംസ് എന്നീ ബാനറുകളിൽ രഞ്ജിത്ത് ശങ്കറും ഉണ്ണിമുകുന്ദനും ചേർന്നാണ് ചിത്രം നിർമ്മിക്കുന്നത്.
എന്നാൽ ഇതിനിടെയിൽ ചിത്രത്തിന്റെ പ്രമോഷനിടെ നടന്ന സംഭവമാണ് സോഷ്യല്‍ മീഡിയയിൽ വൈറലാകുന്നത്. ആരാധകന്റെ ആഗ്രഹം സാധിച്ച് കൊടുത്ത ഉണ്ണി മുകുന്ദന്റെ വീഡിയോ ആണ് സോഷ്യൽ മീഡിയയിൽ വൈറലാകുന്നത്.
യുസി കോളേജില്‍ നടന്ന് സിനിമയുടെ പ്രമോഷനിടെയാണ് സംഭവം. ‘ടീ ഷര്‍ട്ട് തരുമോ ’ എന്ന ആരാധകന്റെ ചോദ്യം കേട്ടതിനു പിന്നാലെ സ്റ്റേജില്‍ വച്ച് തന്നെ താരം താനിട്ടിരുന്ന ടീ ഷര്‍ട്ട് ഊരി കൊടുക്കുകയായിരുന്നു. വന്‍ കയ്യടിയാണ് താരത്തിന് ലഭിച്ചത്.
ചോദ്യത്തിന് പിന്നാലെ തന്നെ താരം ഷര്‍ട്ട് ഊരി ആരാധകന് മുന്നിലേക്കിടുകയായിരുന്നു. പിന്നാലെ പുഷ് അപ്പ് എടുത്ത് കാണിച്ചും താരം കുട്ടികളെ കയ്യിലെടുത്തു.
‘മാളികപ്പുറം’ത്തിന് ശേഷം തിയേറ്ററുകളിലെത്തുന്ന ഉണ്ണി മുകുന്ദൻ ചിത്രം കൂടിയാണിത്. ജോമോൾ ക്രിമിനൽ അഭിഭാഷയുടെ വേഷത്തിലെത്തുന്ന ചിത്രത്തിൽ മഹിമ നമ്പ്യാരാണ് നായിക. ഹരീഷ് പേരടി, അശോകൻ, രവീന്ദ്ര വിജയ്, നന്ദു, ശ്രീകാന്ത് കെ വിജയൻ, ബെൻസി മാത്യൂസ് തുടങ്ങിയവരും ചിത്രത്തിലുണ്ട്.
പ്രതികരിക്കാൻ ഇവിടെ എഴുതുക: