ന്യൂദല്‍ഹി: ലോക്സഭാ തെരഞ്ഞെടുപ്പിനുള്ള പത്താംഘട്ട സ്ഥാനാര്‍ത്ഥി പട്ടിക പ്രഖ്യാപിച്ച് ബിജെപി. ഉത്തര്‍പ്രദേശിലെ ഏഴും, ചണ്ഡീഗഡിലെയും ബംഗാളിലെയും ഓരോ സ്ഥാനാര്‍ത്ഥികളുമാണ് പട്ടികയിലുള്ളത്. മുന്‍ പ്രധാനമന്ത്രി ചന്ദ്രശേഖറിന്റെ മകന്‍ നീരജ് ശേഖര്‍ ഉത്തര്‍പ്രദേശിലെ ബാലിയ ലോക്സഭാ മണ്ഡലത്തില്‍ നിന്നും മുന്‍ കേന്ദ്രമന്ത്രി എസ്.എസ്. അലുവാലിയ ബംഗാളിലെ അസന്‍സോളില്‍ നിന്ന് ജനവിധി തേടും.
ഉത്തര്‍പ്രദേശിലെ മെയിന്‍പുരി മണ്ഡലത്തില്‍ ജയ്വീര്‍ സിങ് ഠാക്കൂറിനെയാണ് ബിജെപി മത്സരരംഗത്ത് ഇറക്കിയിരിക്കുന്നത്. യുപി മുന്‍ മുഖ്യമന്ത്രി അഖിലേഷ് യാദവിന്റെ ഭാര്യയും സിറ്റിങ് എംപിയുമായ ഡിംപിള്‍ യാദവ് ആണ് ഇവിടു ത്തെ എസ്പി സ്ഥാനാര്‍ത്ഥി.
സഞ്ജയ് ടണ്ടന്‍ (ചണ്ഡിഗഡ്), സിറ്റിങ് എംപി വിനോദ് സോങ്കര്‍ (കൗശംബി), പ്രവീണ്‍ പട്ടേല്‍ (ഫുല്‍പൂര്‍), നീരജ് ത്രിപാഠി (അലഹാബാദ്), ബി.പി. സരോജ്(മച്ലിഷഹര്‍), പരസ് നാഥ് റായ് (ഗാസിപൂര്‍)എന്നിവരാണ് പട്ടികയിലെ മറ്റു സ്ഥാനാര്‍ത്ഥികള്‍.
പ്രതികരിക്കാൻ ഇവിടെ എഴുതുക: