കോട്ടയത്തെ എന്ഡിഎ സ്ഥാനാര്ത്ഥി തുഷാര് വെളളാപ്പളളിയ്ക്ക് നാമനിര്ദേശ പത്രികയും സത്യവാങ്മൂലവും തയ്യാറാക്കി നല്കിയത് കോണ്ഗ്രസ് പോഷകസംഘടനയായ ലോയേഴ്സ് കോണ്ഗ്രസിന്റെ കോട്ടയം ജില്ല പ്രസിഡണ്ട് ആണെന്നും ബിജെപിയെ കോണ്ഗ്രസ് സഹായിക്കുന്നുവെന്നതിന് ഇത് ഉദാഹരണമാണെന്നും കേരള കോണ്ഗ്രസ് എം ജനറല് സെക്രട്ടറി സ്റ്റീഫന് ജോര്ജ് . അതേസമയം ഇടതു വലതു മുന്നണികളുടെ കോട്ട എന്നറിയപ്പെടുന്ന കോട്ടയത്ത് എന്.ഡി.എ സ്ഥാനാര്തഥി മുന്നേറുന്നുവെന്നതിന്റെ തെളിവാണ് സ്റ്റീഫന് ജോര്ജ് പങ്കുവെച്ചതെന്ന് ബിജെപി ജില്ലാ പ്രസിഡന്റും എന്ഡി.എ ജില്ലാ ചെയര്മാനുമായ ലിജിന് ലാല് പറഞ്ഞു. അസംതൃപ്തിയുടെ കൂടാരമായി ഇരുമുന്നണികളും മാറിയിരിക്കുകയാണ്. പരാജയം മുന്നില്കണ്ടുള്ള മുന്കൂര് ജാമ്യം എടുക്കലാണ് കേരള കോണ്ഗ്രസ് നടത്തുന്നതെന്നും അദ്ദേഹം പറഞ്ഞു.
ഒട്ടേറെ ബിജെപി പ്രവര്ത്തകര് നോട്ടറിമാരായി ഉണ്ടായിട്ടും അവരുടെ സഹായം തേടാതെ കോണ്ഗ്രസിന്റെ ഔദ്യോഗിക സ്ഥാനത്തുള്ള വ്യക്തിയെ തുഷാര് വെള്ളാപ്പള്ളി നാമനിര്ദേശ പത്രിക തയ്യാറാക്കാന് ഏല്പ്പിച്ചത് കോണ്ഗ്രസ് ബിജെപിയെ സഹായിക്കുന്നുവെന്നതിന് ഉദാഹരണമാണെന്നായിരുന്നു സ്റ്റീഫന് ജോര്ജ് പറഞ്ഞത്.
