ആം ആദ്മി സര്‍ക്കാരില്‍ മന്ത്രിമാരായ സൗരഭ് ഭരദ്വാജും അതിഷിയും (ഇടത്ത്)
അരവിന്ദ് കെജ്രിവാള്‍ ചോദ്യം ചെയ്യലില്‍ ആം ആദ്മി നേതാക്കളായ അതിഷിയെയും സൗരഭ് ഭരദ്വാജിനെയും കുറ്റപ്പെടുത്തിയെന്ന് ഇഡി. കെജ്രിവാളിന്റെ കുറ്റപ്പെടുത്തല്‍ കാരണം ആം ആദ്മി മന്ത്രിമാരായ അതിഷിയെയും സൗരഭ് ഭരദ്വാജിനെയും ഇഡി അറസ്റ്റ് ചെയ്തേക്കും
ദല്‍ഹി മദ്യനയത്തില്‍ കുറ്റവാളിയായ വിജയ് നായരുമായുള്ള ബന്ധത്തെക്കുറിച്ച് ഇഡി ചോദിച്ചപ്പോള്‍, വിജയ് നായര്‍ താനുമായി നേരിട്ട് ബന്ധപ്പെട്ടിരുന്നില്ലെന്നും ആം ആദ്മി നേതാക്കളായ അതിഷിയുമായും സൗരഭ് ഭരദ്വാജുമായും ആണ് ബന്ധപ്പെട്ടിരുന്നതെന്നായിരുന്നു കെജ്രിവാള്‍ പറഞ്ഞതെന്നും ഇഡി ചൂണ്ടിക്കാട്ടി. ഇതോടെ അതിഷിയെയും സൗരഭ് ഭരദ്വാജിനെയും ഇഡി ചോദ്യം ചെയ്യലിനായി കസ്റ്റഡിയിലെടുക്കും.
തന്റെ സ്വന്തം പാര്‍ട്ടി അംഗങ്ങളെക്കുറിച്ച് തെറ്റായ വിവരങ്ങളാണ് അരവിന്ദ് കെജ്രിവാള്‍ നല‍്കിയതെന്നും ഇഡി പറഞ്ഞു. അതിഷിയും സൗരഭ് ഭരദ്വാജും ഇപ്പോള്‍ ആം ആദ്മി സര്‍ക്കാരില്‍ മന്ത്രിമാരാണ്.
പ്രതികരിക്കാൻ ഇവിടെ എഴുതുക