കോഴിക്കോട്: തെരഞ്ഞെടുപ്പ് പര്യടനത്തിനിടെ എന്‍ഡിഎ വടകര ലോക്‌സഭാ മണ്ഡലം സ്ഥാനാര്‍ത്ഥി പ്രഫുല്‍കൃഷ്ണന്റെ വാഹന വ്യൂഹത്തിനു നേരെ സിപിഎം അക്രമം.
കുറ്റിയാടിക്കടുത്ത് കോതോട് വച്ചായിരുന്നു സ്ഥാനാര്‍ത്ഥിയുടെ വാഹനം സിപിഎമ്മുകാര്‍ തടഞ്ഞത്. പര്യടനം കഴിഞ്ഞ് മരുതോങ്കര, കോതോട് വഴി കടന്നു വരുന്നതിനിടെ വാഹനം തടഞ്ഞുനിര്‍ത്തി മുന്നിലെ ഫഌഗ് പോസ്റ്റ് ഒടിക്കുകയും സ്ഥാനാര്‍ത്ഥിയെ ആക്രമിക്കാന്‍ ശ്രമിക്കുകയും ചെയ്തു. സിപിഎം ഡിവൈഎഫ്‌ഐ പ്രവര്‍ത്തകരാണ് പ്രകടനമായി എത്തി കാര്‍ തടഞ്ഞത്. നൂറോളം വരുന്ന സിപിഎം പ്രവര്‍ത്തകര്‍ സംഘടിച്ചെത്തി ബോധപൂര്‍വ്വം അക്രമം നടത്തുകയായിരുന്നുവെന്ന് പ്രഫുല്‍ കൃഷ്ണന്‍ പറഞ്ഞു.
സംഭവത്തെക്കുറിച്ച് ശക്തമായ അന്വേഷണം നടത്തണമെന്നും പ്രതികളെ ഉടന്‍ പിടികൂടണമെന്നും ബിജെപി ദേശീയ കൗണ്‍സില്‍ അംഗം കെ.പി. ശ്രീശന്‍ പറഞ്ഞു. സംഭവവുമായി ബന്ധപ്പെട്ട് ഇലക്ഷന്‍ കമ്മിഷനും പോലീസിനും പരാതി നല്‍കുമെന്ന് ബിജെപി തെരഞ്ഞടുപ്പ് കമ്മിറ്റി അറിയിച്ചു.
പ്രതികരിക്കാൻ ഇവിടെ എഴുതുക: