മാണ്ഡി: തിരഞ്ഞെടുപ്പ് പ്രചാരണത്തിന് തുടക്കം കുറിച്ച് നടി കങ്കണ റണാവത്ത്. മാണ്ഡിയില്‍ മത്സരിക്കുന്ന കങ്കണ വെള്ളിയാഴ്ച റോഡ് ഷോയിലൂടെയാണ് പ്രചാരണം തുടങ്ങിയത്.
പുഷ്പങ്ങള്‍ ചൊരിഞ്ഞും ഡ്രമ്മിന്റെ താളത്തിനൊത്ത് നൃത്തം ചെയ്തുമാണ് കങ്കണയെ ബിജെപി നേതാക്കള്‍ സ്വീകരിച്ചത്. ‘മോദി ജി കോ ജയ് ശ്രീറാം’ എന്ന മുദ്രാവാക്യം കങ്കണ വിളിച്ചപ്പോള്‍ അണികളും ഏറ്റുവിളിച്ചു.
വികസനമാണ് ബിജെപിയുടെ അജണ്ടയെന്ന് പറഞ്ഞായിരുന്നു ആരംഭം. മാണ്ഡിയിലെ ജനങ്ങളെ കുടുംബമെന്ന് അഭിസംബോധന ചെയ്ത കങ്കണ നടിയോ അഭിനേതാവോ ആയി തന്നെ കാണരുതെന്നും അണികളോട് അഭ്യര്‍ത്ഥിച്ചു. സഹോദരിയും മകളുമായാണ് ഞാന്‍ നിങ്ങളുടെ മുന്നില്‍ നില്‍ക്കുന്നത്, നിങ്ങളെല്ലാവരും എന്റെ കുടുംബമാണ്, കങ്കണ പറഞ്ഞു.
ദേശീയതയുടെ ശബ്ദമായ മാണ്ഡിയുടെ മകള്‍, ഇത്തവണ മണ്ഡലത്തെ പ്രതിനിധികരിച്ച് ലോക്‌സഭയില്‍ എത്തുമെന്ന് കങ്കണ മാദ്ധ്യമങ്ങളോട് പറഞ്ഞു.
പ്രതികരിക്കാൻ ഇവിടെ എഴുതുക: