കണ്ണൂര്: പയ്യാമ്പലത്ത് നേതാക്കളുടെ സ്മൃതികുടീരങ്ങളില് ദ്രാവകം ഒഴിച്ച് വികൃതമാക്കിയ സംഭവത്തില് ഒരാള് കസ്റ്റഡിയില്. ബീച്ചില് കുപ്പി പെറുക്കുന്ന കണ്ണൂര് സ്വദേശിയെ ആണ് കസ്റ്റഡിയിലെടുത്തത്.
ഇയാള് കടല്ത്തീരത്ത് അലഞ്ഞുതിരിഞ്ഞു നടക്കുന്ന ആളാണെന്ന് പൊലീസ് അറിയിച്ചു. അതേ സമയം ഇയാളാണോ അതിക്രമം നടത്തിയത് എന്ന് വ്യക്തമായിട്ടില്ല. ഇയാളെ ചോദ്യം ചെയ്ത് വരികയാണ്. അക്രമം അന്വേഷിക്കുന്നതിനായി പ്രത്യേക അന്വേഷണ സംഘം രൂപീകരിച്ചിരുന്നു. സോഫ്റ്റ് ഡ്രിങ്ക് പോലെയുള്ള പാനീയമാണ് സിപിഎം നേതാക്കളുടെ സ്മൃതി കുടീരങ്ങളില് ഒഴിച്ചത്.
നായനാരുടെയും കോടിയേരിയുടെയും ചടയന് ഗോവിന്ദന്റെയും ഒ. ഭരതന്റെയും സ്മൃതി കുടീരങ്ങളിലാണ് ദ്രാവകം ഒഴിച്ചത്.സിസിടിവി ദൃശ്യങ്ങള് പരിശോധിച്ചാണ് അന്വേഷണം വ്യാപിപ്പിക്കുന്നത്. സംശയമുളളവരെ നിരീക്ഷിക്കുന്നുണ്ട്. ലാബ് പരിശോധനാ ഫലം വന്നാലേ ഏത് ദ്രാവകമാണ് ഒഴിച്ചതെന്നതില് വ്യക്തത വരൂ.
സാമൂഹ്യവിരുദ്ധരാണ് സംഭവത്തിന് പിന്നിലെന്ന് പൊലീസിന് സംശയമുണ്ട്.
