ബനിഹാൽ : ജമ്മു-ശ്രീനഗർ ദേശീയ പാതയിൽ നിന്ന് വെള്ളിയാഴ്ച റംബാൻ ജില്ലയിൽ എസ്‌യുവി കാർ തെന്നിമാറി മലയിടുക്കിലേക്ക് മറിഞ്ഞ് പത്ത് പേർ മരിച്ചു. പത്ത് പേർ മരിച്ചതായി അധികൃതർ മെഡിക്കൽ സംഘം സ്ഥിരീകരിച്ചതായി പോലീസ് വ്യക്തമാക്കി.
ശ്രീനഗറിൽ നിന്ന് ജമ്മുവിലേക്ക് പോവുകയായിരുന്ന വാഹനം പുലർച്ചെ 1.15 ഓടെ ജില്ലയിലെ ചെഷ്മ മേഖലയിൽ 300 അടി താഴ്ചയിൽ വീണു. തുടർന്ന് സംഭവം കണ്ടെത്തിയ നാട്ടുകാരും സുരക്ഷാ സൈന്യവും പോലീസും ചേർന്നാണ് അപകടത്തിൽപ്പെട്ടവരെ പുറത്തെടുത്തത്.
കാലാവസ്ഥ മോശമായതിനാലും രാത്രിയായതിനാലും രക്ഷാപ്രവർത്തനത്തിന് ബുദ്ധിമുട്ടേറി വന്നിരുന്നു.
പ്രതികരിക്കാൻ ഇവിടെ എഴുതുക: