കോട്ടയം: കോട്ടയം ലോക്‌സഭാ തിരഞ്ഞെടുപ്പില്‍ ബി.ഡി.ജെ.എസിന് കുടം ചിഹ്നം ലഭിച്ചതില്‍ എന്‍.ഡി.എ പ്രവര്‍ത്തകര്‍ ആഹ്‌ളാദപ്രകടനം നടത്തി. തെരഞ്ഞെടുപ്പ് അവലോകനം ചെയ്യാന്‍ ചേര്‍ന്ന എന്‍.ഡി.എ ജില്ലാ യോഗത്തില്‍ ചിഹ്നമായ കുടം നല്‍കി നേതാക്കള്‍ സ്ഥാനാര്‍ത്ഥി തുഷാര്‍ വെള്ളാപ്പള്ളിയെ സ്വീകരിച്ചു. ബി.ജെ.പി സംസ്ഥാന സെക്രട്ടറി കെ. സുഭാഷ് യോഗം ഉദ്ഘാടനം ചെയ്തു. ജില്ലാ പ്രസിഡന്‌റ് ലിജിന്‍ ലാല്‍ അധ്യക്ഷത വഹിച്ചു. ബി.ഡി.ജെ.എസ് അധ്യക്ഷനും എന്‍.ഡി.എ സംസ്ഥാന കണ്‍വീനറുമാണ് കോട്ടയത്തെ സ്ഥാനാര്‍ത്ഥിയായ തുഷാര്‍ വെള്ളാപ്പള്ളി. എസ്.എന്‍.ഡി.പി യോഗം വൈസ് പ്രസിഡണ്ട് എന്ന നിലയ്‌ക്കും ഇദ്ദേഹത്തിന്റെ സ്ഥാനാര്‍ത്ഥിത്വത്തിന് പ്രാധാന്യമുണ്ട്. കോട്ടയത്ത് ഉജ്ജ്വല പോരാട്ടത്തിനുള്ള അരങ്ങൊരുങ്ങിയെന്നും തങ്ങളുടെ വിജയസാധ്യത ഓരോ ദിവസവും ഏറിവരികയാണെന്നും ബി.ഡി.ജെ.എസ് പ്രവര്‍ത്തകര്‍ ആത്മവിശ്വാസം പ്രകടിപ്പിച്ചു. കോട്ടയത്തെ കൂടാതെ ഇടുക്കി, ചാലക്കുടി, മാവേലിക്കര മണ്ഡലങ്ങളിലും ബി.ജെ.പിയുടെ സഖ്യകക്ഷിയായി ബി.ഡി.ജെ.എസ് മത്സരിക്കുന്നുണ്ട്്.
പ്രതികരിക്കാൻ ഇവിടെ എഴുതുക: