ന്യൂദല്ഹി: ഒരു രാഷ്ട്രീയ നേതാവിനും ഒരേ സമയം അമര്, അക്ബര്, ആന്റണി ആകാന് കഴിയില്ലെന്ന് രാഹുല് ഗാന്ധിയെ പരിഹസിച്ച് ബിജെപി തമിഴ്നാട് അധ്യക്ഷന് കെ. അണ്ണാമലൈ. രാഹുല് ഗാന്ധിയുടെ കപട മതേതരനാട്യത്തെയാണ് അണ്ണാമലൈ പരിഹസിച്ചത്.
എഎന് ഐ വാര്ത്താ ഏജന്സിയുടെ സ്മിത പ്രകാശ് നടത്തിയ അഭിമുഖത്തിലായിരുന്നു. അണ്ണാമലൈയുടെ ഈ പരിഹാസം. ഇത് കേട്ട് സ്മിത പ്രകാശിനും ചിരിടയക്കാന് കഴിഞ്ഞില്ല.
രാഹുല് ഗാന്ധി ക്ഷേത്രത്തില് പോകുമ്പോള് നിങ്ങള് എന്തിനാണ് പരിഹസിക്കുന്നത് എന്നതായിരുന്നു സ്മിത പ്രകാശിന്റെ ചോദ്യം. ഒരു നേതാവിനും തെരഞ്ഞെടുപ്പിന് തൊട്ട് മുന്പ് അമര്, അക്ബര്, ആന്റണി ആകാന് കഴിയില്ലെന്നായിരുന്നു അണ്ണാമലൈയുടെ മറുപടി. നിങ്ങള് ഒരു സംസ്ഥാനത്ത് എത്തുമ്പോള് അമര്, മറ്റൊരു സംസ്ഥാനത്തെത്തുമ്പോള് അക്ബര്, ഇനിയൊരു സംസ്ഥാനത്ത് എത്തുമ്പോള് ആന്റണി എന്ന രീതിയില് ആകാന് കഴിയില്ല.”- അണ്ണാമലൈ പരിഹസിച്ചു. ഭാരത് ന്യായ് യാത്രയില് മുസ്ലിം പള്ളിയിലും ക്രിസ്ത്യന് ചര്ച്ചിലും ഹിന്ദു ക്ഷേത്രത്തിലും കപടമതേതരത്വം പ്രദര്ശിപ്പിക്കാന് രാഹുല് ഗാന്ധി ആരാധനാലയങ്ങളില് നടത്തുന്ന സന്ദര്ശനത്തെ പരിഹസിക്കുകയായിരുന്നു അണ്ണാമലൈ.
