എറണാകുളം: ബംഗാളി യുവതി ഹെറോയിനുമായി പിടിയിലായി. പെരുമ്പാവൂര്‍ കണ്ടംതറ ഭാഗത്ത് എക്‌സൈസ് നടത്തിയ മിന്നല്‍ പരിശോധനയിലാണ് പശ്ചിമബംഗാള്‍ മുര്‍ഷിദാബാദ് സ്വദേശിനി സുലേഖാ ബീവി(36) അറസ്റ്റിലായത്. ഇവരില്‍ നിന്ന് 16.638 ഗ്രാം ഹെറോയിന്‍ എക്‌സൈസ് കണ്ടെടുത്തു.
ഇതരസംസ്ഥാന തൊഴിലാളികള്‍ക്കിടയില്‍ ബംഗാളി ദീദി എന്നാണ് ഇവര്‍ അറിയപ്പെട്ടിരുന്നത്.പശ്ചിംബംഗാളില്‍ നിന്ന് ഹെറോയിന്‍ എത്തിച്ച് കേരളത്തില്‍ വില്പന നടത്തി വരികയായിരുന്നു ഇവരെന്ന് എക്‌സൈസ് അറിയിച്ചു.
കണ്ടംതറ ഭാഗത്ത് ഇവരുടെ ഉടമസ്ഥതയിലുളള ബംഗാളി ഹോട്ടലിന്റെ മറവിലാണ് ഹെറോയിന്‍ വില്പന നടന്നുവന്നത്. എക്‌സൈസ് പെരുമ്പാവൂര്‍ റേഞ്ച് പാര്‍ട്ടി നടത്തിയ രഹസ്യ ഓപ്പറേഷനിലാണ് ബംഗാളി ദീദി പിടിയിലായത്. പെരുമ്പാവൂര്‍ മജിസ്ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു ജയിലിലടച്ചു.
പ്രതികരിക്കാൻ ഇവിടെ എഴുതുക: