ന്യൂദല്ഹി: മദ്യ നയ കേസില് അറസ്റ്റിലായ അരവിന്ദ് കെജ്രിവാളിനെ മുഖ്യമന്ത്രി സ്ഥാനത്ത് നിന്ന് നീക്കണമെന്നാവശ്യപ്പെട്ടുള്ള ഹര്ജിയില് ഇടപെടാതെ ദല്ഹി ഹൈക്കോടതി. നിലവില് ഇക്കാര്യത്തില് കോടതി ഇടപെടേണ്ടതില്ലെന്ന് ദല്ഹി ഹൈക്കോടതി വ്യക്തമാക്കി.
ഇതിനിടെ, ഇഡി കസ്റ്റഡി കാലാവധി ഇന്ന് തീരുന്നതിനാല് അരവിന്ദ് കെജ്രിവാളിനെ അല്പസമയം മുമ്പ് വിചാരണ കോടതിയില് എത്തിച്ചു. റൗസ് അവന്യു ജില്ലാ കോടതിയിലാണ് വന് സുരക്ഷയോടെ അരവിന്ദ് കെജ്രിവാളിനെ എത്തിച്ചത്.
കോടതിക്ക് പുറത്ത് കേന്ദ്ര സേനയെ വിന്യസിച്ചു സുരക്ഷാ ശക്തമാക്കിയിട്ടുണ്ട്.ദല്ഹി മന്ത്രിമാരായ അതിഷി, സൗരഭ് ഭരദ്വാജ് എന്നിവര് കോടതിയില് എത്തിയിട്ടുണ്ട്.
അരവിന്ദ് കെജ്രിവാളിന്റെ ഭാര്യ സുനിത കെജരിവാളും കോടതിയില് എത്തിയിട്ടുണ്ട്. കസ്റ്റഡി കാലാവധി നീട്ടാന് ഇഡി ആവശ്യപ്പെടും.
