ന്യൂദല്‍ഹി: ദല്‍ഹി മുഖ്യമന്ത്രിയും ആം ആദ്മി പാര്‍ട്ടി (എഎപി) കണ്‍വീനറുമായ അരവിന്ദ് കെജ്‌രിവാളിനെ ഇന്ന് ദല്‍ഹി ഹൈക്കോടതിയില്‍ ഹാജരാക്കും. എന്‍ഫോഴ്‌സ്‌മെന്റ് ഡയറക്ടറേറ്റ് (ഇഡി) കസ്റ്റഡി കാലാവധി അവസാനിച്ചതിന് പിന്നാലെയാണ് അദേഹത്തെ ഇന്ന് വീണ്ടും റോസ് അവന്യൂ കോടതിയില്‍ എത്തിക്കുന്നത്.
ഇന്ന് വൈകിട്ടോടെയാകും അദേഹത്തെ കോടതിയില്‍ ഹാജരാക്കുക. മദ്യനയ അഴിമതി കേസിനെ തുടര്‍ന്ന് വിചാരണ നേരിടുന്ന അരവിന്ദ് കെജ്‌രിവാളിനെ ദല്‍ഹി മുഖ്യമന്ത്രി സ്ഥാനത്തു നിന്ന് നീക്കം ചെയ്യണമെന്ന് ആവശ്യപ്പെട്ട് സമര്‍പ്പിച്ച പൊതുതാല്‍പര്യ ഹരജികളും ഹൈക്കോടതി ഇന്ന് പരിഗണിക്കും.
ജസ്റ്റിസ് മന്‍മോഹന്‍, ജസ്റ്റിസ് മന്‍മീത് പ്രീതം സിംഗ് അറോറ എന്നിവരടങ്ങിയ ബെഞ്ചാകും കേസ് പരിഗണിക്കുക. മദ്യനയ അഴിമതി കേസില്‍ വ്യക്തമായ തെളിവുകള്‍ ഉണ്ടെന്നും കൂടുതല്‍ ചോദ്യം ചെയ്യല്‍ ആവശ്യമാണെന്നും കാണിച്ചാണ് ഇഡി കെജ്‌രിവാളിനെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: