ന്യൂദല്‍ഹി: നടിയും ബിജെപി സ്ഥാനാര്‍ത്ഥിയുമായ കങ്കണ റണാവത്തിനെതിരെ അപകീര്‍ത്തികരമായി സാമൂഹ്യമാധ്യമങ്ങളില്‍ പോസ്റ്റിട്ട കോണ്‍ഗ്രസ് നേതാക്കള്‍ക്കെതിരെ നടപടി ആവശ്യപ്പെട്ട് ദേശീയ വനിതാ കമ്മിഷന്‍.
കോണ്‍ഗ്രസ് നേതാക്കളായ എച്ച്.എസ്. ആഹിര്‍, സുപ്രിയ ശ്രീനേത് എന്നിവര്‍ക്കെതിരെ നടപടിയെടുക്കണമെന്നാണ് വനിതാ കമ്മിഷന്‍ തെരഞ്ഞെടുപ്പ് കമ്മിഷനോട് ആവശ്യപ്പെട്ടിരിക്കുന്നത്. ഇതുസംബന്ധിച്ച് മുഖ്യതെരഞ്ഞെടുപ്പ് കമ്മിഷണര്‍ക്ക് കത്തയച്ചിട്ടുമുണ്ട്.
ഇത്തരം പെരുമാറ്റങ്ങള്‍ സ്ത്രീകളുടെ അന്തസിനെ മാനിക്കാത്തതാണെന്നും സ്ത്രീകളോടുള്ള ബഹുമാനവും ആദരവും ഉയര്‍ത്തിപ്പിടിക്കണമെന്നും കമ്മിഷന്‍ എക്സില്‍ കുറിച്ചു.
ബിജെപിയുടെ അഞ്ചാം സ്ഥാനാര്‍ത്ഥി പട്ടികയിലാണ് ഹിമാചല്‍പ്രദേശിലെ മാണ്ഡിയില്‍ നിന്നുള്ള സ്ഥാനാര്‍ത്ഥിയായി കങ്കണയെ പ്രഖ്യാപിച്ചത്. ഇതിന് പിന്നാലെയാണ് കോണ്‍ഗ്രസ് നേതാവ് സുപ്രിയ ശ്രീനേത് കങ്കണയുടെ ചിത്രം പങ്കുവെച്ചുകൊണ്ട് അപകീര്‍ത്തിപ്പെടുത്തുന്ന തരത്തില്‍ ഇന്‍സ്റ്റഗ്രാമില്‍ പോസ്റ്റിട്ടത്.
പ്രതികരിക്കാൻ ഇവിടെ എഴുതുക: