മലപ്പുറം: കാളികാവില് രണ്ടര വയസുകാരി മരിച്ചത് മര്ദ്ദനത്തെ തുടര്ന്നെന്ന് കണ്ടെത്തല്.കുട്ടിയുടെ തലയിലും നെഞ്ചിലുമേറ്റ പരിക്കാണ് മരണത്തിലേക്ക് നയിച്ചതെന്നാണ് പ്രാഥമിക പോസ്റ്റ്മോര്ട്ടം റ്ിപ്പോര്ട്ടിലുളളത്.
തലയില് അടിയേറ്റ് രക്തം കട്ട പിടിച്ചിരുന്നു. വാരിയെല്ല് പൊട്ടിയിരുന്നതായും പോസ്റ്റ്മോര്ട്ടം റിപ്പോര്ട്ടിലുണ്ട്.
ഉദരംപൊയില് സ്വദേശി മുഹമ്മദ് ഫായിസ് മകള് ഫാത്തിമ നസ്രിനെ കൊലപ്പെടുത്തിയതാണെന്ന് അമ്മയും ബന്ധുക്കളും ആരോപിച്ചിരുന്നു. ഭക്ഷണം തൊണ്ടയില് കുടുങ്ങിയെന്ന് പറഞ്ഞാണ് ബോധരഹിതയായ കുഞ്ഞിനെ പിതാവ് ആശുപത്രിയിലെത്തിച്ചത്. അപ്പോഴേക്കും കുട്ടി മരിച്ചു.
പിന്നീട് ഭക്ഷണം തൊണ്ടയില് കുടുങ്ങിയതല്ലെന്ന് വ്യക്തമായതിനെ തുടര്ന്ന് വണ്ടൂരിലെ സ്വകാര്യ ആശുപത്രി അധികൃതര് വിവരം പൊലീസിനെ അറിയിച്ചു.പിന്നീട് കുട്ടിയുടെ മൃതദേഹം മഞ്ചേരി മെഡിക്കല് കോളേജ് മോര്ച്ചറിയിലേക്ക് മാറ്റി.
ഫായിസിനെതിരെ ഭാര്യ ഷഹാനത്ത് മുമ്പ് നല്കിയ പരാതി ഒത്തുതീര്ക്കണം എന്നാവശ്യപ്പെട്ട് നിരന്തരം ഉപദ്രവിച്ചിരുന്നെന്ന് ബന്ധുക്കള് പറഞ്ഞു. ഇപ്പോഴത്തെ സംഭവത്തില് കുട്ടിയുടെ പിതാവ് മുഹമ്മദ് ഫായിസിനെ പൊലീസ് കസ്റ്റഡിയില് എടുത്തിട്ടുണ്ട്.
