ന്യൂദല്ഹി: കോണ്ഗ്രസ് നേതാവും മുന് എംപിയും പ്രമുഖവ്യവസായിയുമായ നവീന് ജിന്ഡാല് ബിജെപിയില് ചേര്ന്നു. ഇന്നലെ രാത്രി എട്ടോടെ ബിജെപി ദേശീയ ആസ്ഥാനത്ത് എത്തിയാണ് അദ്ദേഹം പാര്ട്ടി അംഗത്വം സ്വീകരിച്ചത്. ബിജെപി ദേശീയ ജനറല് സെക്രട്ടറി വിനോദ് താവ്ഡെ അംഗത്വം കൈമാറി.
ബിജെപി അംഗമായതില് അഭിമാനിക്കുന്നതായും പ്രധാനമന്ത്രി നരേന്ദ്ര മോദിയുടെ നേതൃത്വത്തില് രാജ്യത്തെ സേവിക്കാനുള്ള ഭാഗ്യം ലഭിച്ചെന്നും നവീന് ജിന്ഡാല് പ്രതികരിച്ചു. ഹരിയാനയിലെ കുരുക്ഷേത്രയില് നിന്ന് 2004ലും 2019ലുമാണ് അദ്ദേഹം ലോക്സഭയിലെത്തിയത്. ജിന്ഡാല് സ്റ്റീല് ആന്ഡ് പവര് ലിമിറ്റഡ് ചെയര്മാനും ഒ.പി. ജിന്ഡാല് ഗ്ലോബല് യൂണിവേഴ്സിറ്റിയുടെ ചാന്സലറുമാണ് അദ്ദേഹം.
