കൊച്ചി: എന്‍സിപിയിലെ ഒരു വിഭാഗം എന്‍ഡിഎക്കൊപ്പം ചേരാന്‍ തീരുമാനിച്ചതായി പാര്‍ട്ടി വൈസ് പ്രസിഡന്റ് റോയി വാരിക്കാട്ട്. സംസ്ഥാന വൈസ് പ്രസിഡന്റും നാല് സംസ്ഥാന ഭാരവാഹികളും ബിജെപി പ്രസിഡന്റ് കെ.സുരേന്ദ്രനേയും എന്‍ഡിഎ കണ്‍വീനര്‍ പി.കെ. കൃഷ്ണദാസിനേയും കണ്ട് ചര്‍ച്ച നടത്തി.
എന്‍സിപി ദേശീയ നേതൃത്വത്തിന്റെ തീരുമാന പ്രകാരമാണ് കേരളത്തില്‍ എന്‍ഡിഎ മുന്നണിയോടൊപ്പം ചേര്‍ന്ന് പ്രവര്‍ത്തിക്കാന്‍ തീരുമാനിച്ചതെന്നും അവര്‍ പറഞ്ഞു. ദേശീയതലത്തില്‍ എന്‍സിപി എന്‍ഡിഎ മുന്നണിയുടേയും സര്‍ക്കാരിന്റെയും ഭാഗമായാണ് പ്രവര്‍ത്തിച്ചിരുന്നതെങ്കിലും കേരളത്തില്‍ എന്‍സിപി എല്‍ഡിഎഫിന്റെ ഭാഗമായാണ് പ്രവര്‍ത്തിക്കുന്നത്.
വാര്‍ത്താസമ്മേളനത്തില്‍ റോയി വാരിക്കാട്ട്, പി. കുഞ്ഞിക്കണ്ണന്‍, കെ.ജി. പുരുഷോത്തമന്‍, ശശി പുളിക്കല്‍, എ.ആര്‍. നരേന്ദ്രന്‍, ജെയിംസ് ചാക്കോ, കുഞ്ഞികൃഷ്ണന്‍ മാസ്റ്റര്‍, സുബിന്‍.സി. ഭാസ്‌കര്‍, ശരത് മോഹന്‍, സി.എ. ജോയി എന്നിവര്‍ പങ്കെടുത്തു.
പ്രതികരിക്കാൻ ഇവിടെ എഴുതുക: