ശ്രീനഗര്‍: ജെയ്‌ഷെ മുഹമ്മദ് (ജെഎം) ഭീകര സംഘപ്രവര്‍ത്തനത്തെ തകര്‍ത്ത് സുരക്ഷാ സേന. ജമ്മു കശ്മീര്‍ പോലീസും സുരക്ഷാ സേനയുമായി ശനിയാഴ്ച നടത്തി സംയുക്ത ഓപ്പറേഷനിലാണ് മാരക ആയുധങ്ങളുമായി നാലു ഭീകരരെ പിടികൂടിയത്.
ഓപ്പറേഷനില്‍ നാല് ഭീകരരെയാണ് അറസ്റ്റ് ചെയ്തത് ഇവരുടെ പക്കല്‍ നിന്ന് വന്‍ ആയുധശേഖരം കണ്ടെടുത്തതായും പോലീസ് അറിയിച്ചു. പിടിച്ചെടുത്ത ആയുധ ശേഖരത്തില്‍ നിരവധി ഗ്രനേഡുകളും 2പിസ്റ്റലും ഒരു ഒട്ടോമാറ്റിക്ക് തോക്കും ഉണ്ടായിരുന്നതായാണ് റിപ്പോര്‍ട്ട്. ഇവര്‍ക്കെതിരെ എഫ്‌ഐആര്‍ രജിസ്റ്റര്‍ ചെയ്ത് അന്വേഷണം ആരംഭിച്ചതായും കശ്മീര്‍ പോലീസ് വ്യക്തമാക്കി.
പ്രതികരിക്കാൻ ഇവിടെ എഴുതുക: