തിരുവനന്തപുരം:കാട്ടാക്കടയില്‍ വീണ്ടും ടിപ്പര്‍ അപകടം.സ്‌കൂട്ടര്‍ യാത്രക്കാരനെ ഇടിച്ചിട്ട ശേഷം 100 മീറ്ററോളം വലിച്ചുകൊണ്ടുപോയി. കാട്ടാക്കട നക്രാംചിറയിലാണ് അപകടം. ഗുരുതര പരിക്കുകളോടെ യുവാവിനെ ആശുപത്രിയില്‍ പ്രവേശിച്ചു.പേയാട് സ്വദേശിയാണ് പരിക്കേറ്റ യുവാവ്.
സ്‌കൂട്ടര്‍ യാത്രികനായ യുവാവിന്റെ കൈക്കും കാലിനും ഒടിവുണ്ട്. മുഖത്ത് ഗുരുതര പരിക്കേറ്റു.കാട്ടാക്കടയിലെ ക്വാറിയില്‍ പാറ കയറ്റാന്‍ പോയ ടിപ്പര്‍ ആണ് സ്‌കൂട്ടറില്‍ ഇടിച്ചത്. സ്‌കൂട്ടര്‍, ടിപ്പര്‍ എന്നിവ സമാന്തരമായി പോകുകയായിരുന്നു. ഇതിനിടെ പലേലി റോഡിലേക്ക് ടിപ്പര്‍ തിരിക്കവെ വശത്ത് കൂടെ വന്ന സ്‌കൂട്ടറിനെ ഇടിച്ചിട്ടു.
കഴിഞ്ഞ ദിവസം തിരുവനന്തപുരം നഗരത്തിലെ പനവിള ജംഗ്ഷനിലുണ്ടായ ടിപ്പര്‍ അപകടത്തില്‍ അധ്യാപകന് ജീവന്‍ നഷ്ടപ്പെട്ടിരുന്നു. ടിപ്പറില്‍ നിന്ന് കല്ല് തെറിച്ചുവീണ് ബിഡിഎസ് വിദ്യാര്‍ത്ഥിയായ അനന്തു മരിച്ചത് രണ്ടാഴ്ചക്ക് മുമ്പാണ്
പ്രതികരിക്കാൻ ഇവിടെ എഴുതുക: