പത്തനംതിട്ട: തൊട്ടിലില്‍ കഴുത്ത് കുരുങ്ങി അഞ്ച് വയസുകാരിക്ക് ദാരുണാന്ത്യം.കോന്നിയിലാണ് അപകടം. ചെങ്ങറ സ്വദേശികളായ ഹരിദാസ് – നീതു ദമ്പതികളുടെ മകള്‍ ഹൃദ്യ ആണ് മരിച്ചത്.
ഇളയ കുട്ടിക്ക് വേണ്ടി വീട്ടില്‍ കെട്ടിയിരുന്ന തൊട്ടിലില്‍ കയറിയപ്പോള്‍ കഴുത്തില്‍ കുരുങ്ങിയതാണ് മരണത്തിലേക്ക് നയിച്ചത്. സംഭവം നടക്കുമ്പോള്‍ വീട്ടില്‍ ആരും ഇല്ലായിരുന്നു.
വീട്ടില്‍ ഹൃദ്യയും മുത്തശ്ശനും മുത്തശ്ശിയുമാണ് ഉണ്ടായിരുന്നത്. മുത്തശ്ശന്‍ പുറത്തേക്കും മുത്തശ്ശി അയലല്‍ വീട്ടിലേക്കും പോയി. ഈ സമയത്ത് ഇളയ കുട്ടിക്കായി കെട്ടിയിരുന്ന തൊട്ടിലില്‍ ഹൃദ്യ കയറിയതാണ് അപകടത്തിന് കാരണമെന്നാണ് കരുതുന്നത്. സ്പ്രിംഗ് ഉപയോഗിച്ചുള്ള തൊട്ടിലിലെ സ്പ്രിംഗ് കഴുത്തില്‍ കുരുങ്ങിയതാണെന്നാണ് ഡോക്ടര്‍മാര്‍ പറയുന്നത്.
മുത്തശി നോക്കുമ്പോള്‍ കുട്ടി തൊട്ടിലില്‍ കുരുങ്ങിയ നിലയിലായിരുന്നു. വേഗം കോന്നി താലൂക്ക് ആശുപത്രിയില്‍ എത്തിച്ചെങ്കിലും അപ്പോഴേക്കും മരണം സ്ഥിരീകരിച്ചിരുന്നു. അസ്വാഭാവിക മരണത്തിന് പൊലീസ് കേസെടുത്തു.
പ്രതികരിക്കാൻ ഇവിടെ എഴുതുക: