ഇടുക്കി : പതിമൂന്നുകാരിയെ പീഡിപ്പിച്ച കേസില് എഴുപതുകാരനും സ്ത്രീയുമുള്പ്പെടെ നാലു പേര്ക്ക് കഠിനതടവും പിഴയും. ഒന്നാം പ്രതി കൊന്നത്തടി കണ്ണാടിപ്പാറ ഇരുണ്ടതൂക്കില് മിനിയെ (43) രണ്ടു കേസുകളിലായി മൊത്തം 42 വര്ഷം കഠിനതടവിനാണ് ശിക്ഷിച്ചത്. 11,000 രൂപ പിഴയും അടയ്ക്കണം.
കേസിലെ മറ്റു പ്രതികളും സഹോദരങ്ങളുമായ അറക്കുളം കോഴിപ്പള്ളി ചീനിമുട്ടില് വിനോദ് (39), മനോജ് (38) എന്നിവര്ക്ക് 11 വര്ഷം വീതം കഠിനതടവും 6000 രൂപ വീതം പിഴയും വിധിച്ചു. പെണ്കുട്ടിയെ മറ്റൊരു സ്ഥലത്തുവച്ച് പീഡിപ്പിക്കാന് ശ്രമിച്ച കേസിലെ പ്രതിയായ കോളപ്ര കിഴക്കുമല ഭാഗം ഒറ്റ കുറ്റിയില് ശിവന്കുട്ടിയെ (70) മൂന്നു വര്ഷം കഠിനതടവിന് ഒരാഴ്ച മുന്പു കോടതി ശിക്ഷിച്ചിരുന്നു.
10 വര്ഷം മുന്പു നടന്ന സംഭവത്തില് ഇടുക്കി പൈനാവ് അതിവേഗ കോടതി ജഡ്ജി ടി.ജി.വര്ഗീസാണ് ശിക്ഷ വിധിച്ചത്. പ്രോസിക്യൂഷനുവേണ്ടി സ്പെഷല് പബ്ലിക് പ്രോസിക്യൂട്ടര് ഷിജോമോന് ജോസഫ് ഹാജരായി.
