ന്യൂദല്‍ഹി: ശക്തിക്കെതിരെ പോരാടാനിറങ്ങി വാലുമുറിഞ്ഞ കോണ്‍ഗ്രസ് നേതാവ് രാഹുല്‍ ശക്തിക്ക് പുതിയ ഭാഷ്യവുമായി രംഗത്ത്. അസുരശക്തിക്കെതിരായി പോരാടുമെന്നാണ് പുതിയ രാഹുല്‍ മൊഴി. വാര്‍ത്താസമ്മേളനത്തിലാണ് മലക്കം മറിച്ചില്‍.
രാജ്യത്ത് ജനാധിപത്യമില്ലെന്നും കോണ്‍ഗ്രസിനെതിരെ ക്രിമിനല്‍ നടപടികള്‍ കൈക്കൊള്ളുകയാണ് സര്‍ക്കാരെന്നും രാഹുല്‍ കുറ്റപ്പെടുത്തി. ഭാരതം ലോകത്തെ ഏറ്റവും വലിയ ജനാധിപത്യരാജ്യമാണെന്ന വാദം ഒരു പച്ചക്കള്ളമാണെന്ന വിവാദ പരാമര്‍ശവും രാഹുല്‍ വാര്‍ത്താസമ്മേളനത്തില്‍ ഉന്നയിച്ചു. പാര്‍ട്ടിയുടെ ബാങ്ക് അക്കൗണ്ടുകള്‍ മരവിപ്പിച്ചിരിക്കുകയാണ്. ഞങ്ങള്‍ക്ക് പ്രവര്‍ത്തിക്കാനാകുന്നില്ല. പാര്‍ട്ടിയുടെ സ്ഥാനാര്‍ത്ഥികളെ സഹായിക്കാനാകുന്നില്ല, രാഹുല്‍ പറഞ്ഞു.
അതേസമയം സര്‍ക്കാരിനെ തെരഞ്ഞെടുത്തത് ജനങ്ങളാണെന്നും ജനങ്ങള്‍ അസുരശക്തിക്ക് വോട്ടുചെയ്യുന്നവരാണ് എന്നാണോ രാഹുല്‍ ഉദ്ദേശിക്കുന്നതെന്ന് നളിന്‍ കോഹ് ലി തിരിച്ചടിച്ചു. ജനങ്ങളില്‍ വിശ്വാസമില്ലെന്ന് തെളിയിച്ചിരിക്കുകയാണ് കോണ്‍ഗ്രസെന്നും അതുകൊണ്ടാണ് ജനാധിപത്യത്തിനെതിരെ പോലും സംസാരിക്കുന്നതെന്നും അദ്ദേഹം ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: