ആറ്റിങ്ങലില്‍ 1.72 ലക്ഷം കള്ളവോട്ട് : അടൂര്‍പ്രകാശിന്റെ പരാതി തള്ളി മുഖ്യ തെരഞ്ഞെടുപ്പ് ഓഫീസര്‍

തിരുവനന്തപുരം: ആറ്റിങ്ങല്‍ മണ്ഡലത്തില്‍ 1,72,000 കള്ളവോട്ട് ഉണ്ടെന്ന യുഡിഎഫ് സ്ഥാനാര്‍ത്ഥി അടൂര്‍പ്രകാശിന്റെ പരാതി തള്ളി മുഖ്യ തെരഞ്ഞെടുപ്പ് ഓഫീസര്‍ സഞ്ജയ് കൗള്‍. പരാതികിട്ടിയ ഉടനെ തന്നെ ഉദ്യോഗസ്ഥരും ബൂത്ത് ലവല്‍ ഓഫീസര്‍മാരും നേരിട്ട് പരിശോധിച്ചു. 380 വോട്ടുകള്‍ ഇരട്ടിപ്പ് കണ്ടെത്തി. എന്നാല്‍ അത് കള്ളവോട്ടുകളെന്ന് പൂര്‍ണമായി പറയാനാകില്ല. ഇരട്ടിപ്പുകള്‍ വരികയോ മരണപ്പെട്ടവരോ സ്ഥലം മാറി പോയവരോ ഒക്കെ ആണ്. അവപരിശോധിച്ച് നീക്കം ചെയ്തുകഴിഞ്ഞു. മാത്രമല്ല, സോഫ്ട്‌വയറുകള്‍ ഉപയോഗിച്ചുള്ള പരിശോധിനയും നടത്തുന്നുണ്ട്. അതുകൊണ്ടുതന്നെ കള്ളവോട്ടിങ് എന്നത് തന്നെ അസാധ്യമായിരിക്കുമെന്നും അദ്ദേഹം പറഞ്ഞു. 1.72 ലക്ഷം കള്ളവോട്ടുണ്ടെന്ന അടൂര്‍പ്രാകശിന്റെ ആരോപണം പരാജയം മുന്നില്‍കണ്ടുള്ള മുന്‍കൂര്‍ ജാമ്യമാണെന്ന് എന്‍ഡിഎ സ്ഥാനാര്‍ത്ഥി വി.മുരളീധരന്‍ പ്രതികരിച്ചിരുന്നു.