തൃശൂര്: വൈദ്യുതി ലൈനില് തട്ടുമെന്ന് കാട്ടി വാഴകള് വെട്ടി കെ എസ് ഇ ബി. തൃശൂര് പുതുക്കാട് പാഴായിലെ കര്ഷകന് മനോജിന്റെ വാഴകളാണ് കെഎസ്ഇബി വെട്ടിക്കളഞ്ഞത്.
നാലേക്കറില് വാഴ കൃഷി ചെയ്യുകയാണ് മനോജ്. ചില വാഴകള് പൂര്ണമായും വെട്ടിക്കളഞ്ഞതായി മനോജ് പറഞ്ഞു. മനോജിനെ അറിയിക്കാതെയാണ് കെഎസ്ഇബി ജീവനക്കാര് പാടത്തിറങ്ങി വാഴ വെട്ടിയത്. വൈകിട്ട് പാടത്ത് എത്തിയപ്പോഴാണ് മനോജ് കാര്യം അറിഞ്ഞത്.
രണ്ട് ദിവസം മുമ്പ് ഉച്ചക്കാണ് കെഎസ്ഇബി ജീവനക്കാര് ഇങ്ങനെ ചെയ്തതെന്ന് മനോജ് പറഞ്ഞു. വാഴ വെട്ടുന്ന കാര്യത്തില് അധികൃതരുടെ ഭാഗത്ത് നിന്ന് മുന്നറിയിപ്പൊന്നും ലഭിച്ചിരുന്നില്ലെന്നും മനോജ് വ്യക്തമാക്കി.
നേരത്തെ വലപ്പാട് ചൂലൂരിലും കെഎസ്ഇബി സമാനമായ കാരണം പറഞ്ഞ് വാഴ വെട്ടിക്കളഞ്ഞിരുന്നു.
