കോട്ടയം: വോട്ടെടുപ്പു ദിവസം അടുക്കുന്തോറും ഇലക്ഷന് ചൂടിനെ കവച്ചുവയ്ക്കുന്ന വേനല് ചൂടിലേക്കാണ് കാര്യങ്ങള് നീങ്ങുന്നത്. ഈ ചൂടില് പരമാവധി വോട്ടര്മാരെ ബൂത്തിലെത്തിക്കുകയെന്നതാണ് എല്ലാ പാര്ട്ടികളുടേയും പ്രവര്ത്തകര് നേരിടുന്ന വെല്ലുവിളി.
കോട്ടയം ലോക്സഭാ മണ്ഡലത്തില് ഇക്കുറിയും വനിതാ വോട്ടര്മാരാണ് കൂടുതല്. ആകെയുള്ള 12,36,396 വോട്ടര്മാരില് 637517 പേര് സ്ത്രീകളാണ്. 598 865 പേരാണ് പുരുഷന്മാരായുള്ളത്. 31020 കന്നി വോട്ടര്മാരുണ്ട്.
പിറവം നിയമസഭാ നിയോജക മണ്ഡലത്തിലാണ് ഏറ്റവും കൂടുതല് വോട്ടര്മാര് . കടുത്തുരുത്തിക്കും പാലയ്ക്കുമാണ് രണ്ടും മൂന്നും സ്ഥാനം. വൈക്കം ഏറ്റുമാനൂര്, കോട്ടയം , പുതുപ്പള്ളി എന്നിവയാണ് കോട്ടയം ലോക്സഭാ മണ്ഡലത്തില് പെട്ട മറ്റ് നിയമസഭാ നിയോജക മണ്ഡലങ്ങള്.
