പാലക്കാട്: ആര്‍എസ്എസ് പ്രവര്‍ത്തകന്‍ ശ്രീനിവാസനെ കൊലപ്പെടുത്തിയ കേസില്‍ ഒളിവിലായിരുന്ന പോപ്പുലര്‍ ഫ്രണ്ട് പ്രവര്‍ത്തകന്‍ മലപ്പുറം സ്വദേശി ഷഫീക്കിനെ എന്‍ഐഎ അറസ്റ്റ് ചെയ്തു. കൊല്ലത്ത് നിന്നാണ് ഇയാളെ പിടികൂടിയത്. ഇതോടെ കേസില്‍ 71പേര്‍ പിടിയിലായിട്ടുണ്ട്.
പാലക്കാട് മേലാമുറിയില്‍ ആര്‍എസ്എസ് പ്രവര്‍ത്തകനായ ശ്രീനിവാസനെ പോപ്പുലര്‍ ഫ്രണ്ട് ക്രിമിനലുകള്‍ വെട്ടിക്കൊലപ്പെടുത്തിയത് കഴിഞ്ഞ ഏപ്രില്‍ 16 നാണ് .പോപ്പുലര്‍ ഫ്രണ്ട് ഹിറ്റ് സ്‌ക്വാഡ് അംഗമായിരുന്നു ഷഫീക്ക്.
പാലക്കാട് ജില്ലാ ആശുപത്രി മോര്‍ച്ചറിക്ക് സമീപമാണ് ശ്രീനിവാസനെ കൊലപ്പെടുത്താന്‍ ഗൂഢാലോചന നടന്നതെന്ന് പൊലീസ് കണ്ടെത്തിയിരുന്നു.സംഭവദിവസം ഉച്ചയ്‌ക്ക് രണ്ടു ബൈക്കുകളിലെത്തിയ പ്രതികള്‍ പാലക്കാട്ടെ ശ്രീനിവാസന്റെ കടയില്‍ക്കയറി വെട്ടിക്കൊലപ്പെടുത്തുകയായിരുന്നു.
പ്രതികരിക്കാൻ ഇവിടെ എഴുതുക: