കണ്ണൂര്: ഭൂമിക്കടിയിലെ രഹസ്യ അറയില് സൂക്ഷിച്ചിരുന്ന 225 കുപ്പി മാഹി മദ്യം ഉള്പ്പെടെ 275 കുപ്പി മദ്യവും സ്കൂട്ടറും സഹിതം യുവാവ് എക്സൈസ് പിടിയില്.പെരിങ്ങോം ഉമ്മറപ്പൊയില് ഭാഗത്ത് നടത്തിയ വാഹന പരിശോധനയിലാണ് സ്കൂട്ടിയില് കടത്തുകയായിരുന്ന 50 കുപ്പി മാഹി മദ്യവുമായി മടക്കാംപൊയില് സ്വദേശി നന്ദു പിടിയിലായത്. ചോദ്യം ചെയ്യലില് ഇയാള് വില്പ്പനയ്ക്ക് മദ്യം ശേഖരിച്ചിട്ടുണ്ടെന്ന് മനസിലാക്കി ഭൂമിക്കടിയില് രഹസ്യ അറയില് ഒളിപ്പിച്ചിരുന്ന മാഹി മദ്യവും പിടിച്ചെടുക്കുകയായിരുന്നു.
അതേസമയം, കോഴിക്കോട് താമരശേരിയില് എക്സൈസ് 194 ഗ്രാം എം ഡി എം എ പിടികൂടി.രണ്ട് പേരെ എക്സൈസ് കസ്റ്റഡിയിലെടുത്തു. ഉണ്ണികുളം എസ്റ്റേറ്റ് മുക്ക് നായാട്ടു കുന്നുമ്മല് ഫവാസ് (27) , ബാലുശ്ശേരി കാട്ടാംവള്ളി പുള്ളാണിക്കല് ജാസില് പി (23) എന്നിവരെയാണ് അറസ്റ്റ് ചെയ്തത്. താമരശ്ശേരി ചുരത്തില് നടത്തിയ പരിശോധനയിലാണ് മയക്കുമരുന്ന് പിടികൂടിയത്. ചുരം എട്ടാം വളവില് കാറില് കടത്തുകയായിരുന്നു മയക്കുമരുന്ന്. കാറും കസ്റ്റഡിയിലെടുത്തിട്ടുണ്ട്.
മയക്കുമരുന്ന് മൈസൂരിലെ മൊത്ത വ്യാപാരിയില് നിന്ന് വാങ്ങിയതാണെന്ന് പിടിയിലായവര് എക്സൈസ് ഉദ്യോഗസ്ഥരോട് പറഞ്ഞത്. ഉത്തരമേഖല എക്സൈസ് കമ്മീഷണറുടെ സ്ക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു ചുരത്തില് പരിശോധന.
