ഹൈദരാബാദ്: തെലങ്കാന ഗവര്‍ണറും പുതുച്ചേരി ലെഫ്റ്റനന്റ് ഗവര്‍ണറുടെ ചുമതലയും വഹിക്കുന്ന തമിഴിസൈ സൗന്ദര്രാജന് സ്ഥാനം രാജിവെച്ചു. ലോക്‌സഭാ തിരഞ്ഞെടുപ്പില്‍ തമിഴ്നാട്ടില് ഇവര്‍ മത്സരിച്ചേക്കും. തമിഴിസൈ സൗന്ദര്രാജന് തന്റെ രാജിക്കത്ത് രാഷ്ട്രപതി ദ്രൗപദി മുര്‍മുവിന് കൈമാറി.
ചെന്നൈ സെൻട്രൽ, പുതുച്ചേരി മണ്ഡലങ്ങളാണ് തമിഴിസൈ സൗന്ദര്രാജന് മത്സരിക്കാനായി പരിഗണിക്കുന്നതെന്നാണ് റിപ്പോര്‍ട്ടുകള്‍. മുമ്പും സജീവരാഷ്‌ട്രീയത്തിലേക്കിറങ്ങാന്‍ തമിഴിസൈ ആഗ്രഹം പ്രകടിപ്പിച്ചിരുന്നു. ഗവര്‍ണറാകുന്നതിന് മുമ്പ് തമിഴ്‌നാട് ബിജെപി അധ്യക്ഷയായിരുന്ന തമിഴിസൈ 2019-ല്‍ ലോക്‌സഭാ തെരഞ്ഞെടുപ്പില്‍ മത്സരിച്ചിരുന്നു.
2019 സെപ്റ്റംബറിലാണ് ഇവരെ തെലങ്കാന ഗവര്‍ണറായി നിയമിച്ചത്. കിരണ്‍ ബേദിയെ നീക്കിയതിന് പിന്നാലെ പുതുച്ചേരി ലെഫ്റ്റനന്റ് ഗവര്‍ണറുടെ ചുമതലയും നല്‍കിയിരുന്നു.
പ്രതികരിക്കാൻ ഇവിടെ എഴുതുക: