അന്തരിച്ച പഞ്ചാബി റാപ്പർ സിദ്ധു മൂസേവാല പിതാവ് ബല്‍ക്കൗർ സിംഗിന് കുഞ്ഞു പിറന്നു. സിദ്ധുവിന്റെ ‘ഇളയ സഹോദരന്റെ’ ചിത്രം ഇന്‍സ്റ്റഗ്രാമിലൂടെ പങ്കുവെച്ച്‌ പിതാവ് ബല്‍ക്കൗർ സിംഗും വാര്‍ത്ത സ്ഥിരീകരിച്ചു.
പഞ്ചാബി ഗായകന്റെ മരണത്തിന് ഏകദേശം രണ്ട് വർഷത്തിന് ശേഷമാണ് സിദ്ധു മൂസേവാലയുടെ മാതാപിതാക്കള്‍ പുതിയ അതിഥിയെ വരവേറ്റത്. കുഞ്ഞിന്റെ കൈകളില്‍ പിടിച്ച്‌, അന്തരിച്ച മൂത്ത മകന്റെ ഫ്രെയിം ചെയ്ത ഫോട്ടോയ്‌ക്ക് മുന്നില്‍ ഇരിക്കുന്ന ചിത്രമാണ് ബല്‍ക്കൗർ സിംഗ് പോസ്റ്റ് ചെയ്തത്.
2022-ല്‍ പഞ്ചാബ് നിയമസഭാ തെരഞ്ഞെടുപ്പില്‍ കോണ്‍ഗ്രസ് ടിക്കറ്റില്‍ മാൻസയില്‍ നിന്ന് മത്സരിച്ച്‌ പരാജയപ്പെട്ട മൂസേവാല അതേ വർഷം മെയ് 29-ന് ദാരുണമായി കൊല്ലപ്പെടുകയായിരുന്നു. 2022 മെയ് 29 ന് മാൻസ ജില്ലയിലെ ജവഹർകെ ഗ്രാമത്തില്‍ വെച്ച്‌ കാറിലെത്തിയ അക്രമികള്‍ അദ്ദേഹത്തെ വെടിവച്ചു കൊല്ലുകയായിരുന്നു. യുവാക്കൾക്കിടയിൽ ഹരമായിരുന്നു മൂസേവലയുടെ സംഗീതം. പഞ്ചാബി ഗായകരിൽ ധനികന്മാരിൽ ഒരാളായിരുന്നു സിദ്ധു മൂസേവാല.
പ്രതികരിക്കാൻ ഇവിടെ എഴുതുക: