മാലെ : മാലദ്വീപില് ആദ്യ ഇന്ത്യന് സൈനിക ഉദ്യോഗസ്ഥരുടെ സംഘത്തിന് പകരം സാങ്കേതിക ജീവനക്കാരെ നിയമിച്ചു.മാലദ്വീപ് പ്രസിഡന്റ് മുഹമ്മദ് മുയ്സു ഇന്ത്യന് സൈനികരെ മാലെയില് നിന്ന് പിന്വലിക്കണമെന്ന് ഔദ്യോഗികമായി ആവശ്യപ്പെട്ടിരുന്നു.
എഎല്എച്ച് ഹെലികോപ്റ്ററുമായി ബന്ധപ്പെട്ട് പ്രവര്ത്തിച്ചിരുന്ന ഇന്ത്യന് സംഘത്തെയാണ് മാറ്റിയത്.മുഹമ്മദ് മൊയ്സുവിന്റെ ആവശ്യപ്രകാരം മാലദ്വീപിലെ ഇന്ത്യന് സൈനികരെ പിന്വലിച്ച് പകരം സാങ്കേതിക വിദഗ്ധരെ നിയോഗിക്കുമെന്ന് അടുത്തിടെ ഇന്ത്യന് വിദേശകാര്യ മന്ത്രാലയം അറിയിച്ചിരുന്നു.
ഇന്ത്യയും മാലദ്വീപും തമ്മില് മൂന്ന് ഉന്നതതല യോഗങ്ങളാണ് ഇതുവരെ നടന്നത്. വ്യോമസേനയുടെ അടിയന്തര സഹായം മാലദ്വീപിന് ഉറപ്പാക്കിയുള്ള പരിഹാരങ്ങള് ഇരുകൂട്ടരും ചര്ച്ച ചെയ്യുകയും ധാരണയിലെത്തുകയുമായിരുന്നു.
മാലദ്വീപില് നിന്ന് ഇന്ത്യന് സൈനികരെ ഒഴിവാക്കുമെന്നായിരുന്നു തെരഞ്ഞെടുപ്പുസമയത്തെ മൊഹമ്മദ് മുയ്സുവിന്റെ വാഗ്ദാനം. ചൈന അനുകൂലിയാണ് മുയ്സു. കഴിഞ്ഞ ആഴ്ച ചൈനയുമായി മാലദ്വീപ് സൈനിക സഹായ കരാറില് ഏര്പ്പെട്ടിരുന്നു. ചൈന സൈനിക പരിശീലനം നല്കുന്ന കരാറാണ് ഒപ്പുവച്ചത്.
