തൃശൂര്‍: മസ്റ്ററിംഗിന്റെ പേരില്‍ സാധാരണക്കാരായവരെ വലയ്ക്കുന്ന സര്‍ക്കാര്‍ നടപടി നീതികരിക്കാനാവില്ലെന്ന് ബി.ജെ.പി സംസ്ഥാന സെക്രട്ടറി എ.നാഗേഷ് പറഞ്ഞു. കൂലി പണി ഉപേക്ഷിച്ച് എരി പൊരി വെയിലത്ത് നിന്നവരോട് മെഷീന്‍ തകരാര്‍ എന്ന് പറഞ്ഞ് തിരിച്ചയച്ചത് സര്‍ക്കാരിന്റെ ക്രൂരതയാണ്.
അതാത് ദിവസം പണിക്ക് പോയി ഉപജിവനം കഴിക്കുന്നവരെ കൂടുതല്‍ ദുരിതത്തിലാക്കുന്ന നടപടിയാണ് ഇന്ന് കണ്ടത്. മാസത്തില്‍ പകുതി ദിവസത്തോളം ഇ പോസ് മെഷീന്‍ തകരാര്‍ എന്ന് പറഞ്ഞ് റേഷന്‍ കടയില്‍ സാധനങ്ങള്‍ ലഭിക്കാതെ തിരിച്ചു പോരേണ്ട സ്ഥിതി വിശേഷമാണ് നിലവിലുള്ളത്.
സാധാരണക്കാര്‍ക്കുള്ള റേഷന്‍ വിതരണം പോലും കാര്യക്ഷമമായി നടത്താന്‍ സാധിക്കാത്ത ഒരു സര്‍ക്കാരാണ്; ‘തങ്ങള്‍ എല്ലാത്തിലും മുന്നിലാണെന്ന്’ വീമ്പിള്ളക്കുന്നത്. ഇതിനുള്ള മറുപടി ജനം തിരഞ്ഞെടുപ്പില്‍ നല്‍കുമെന്നും നാഗേഷ് പറഞ്ഞു.
പ്രതികരിക്കാൻ ഇവിടെ എഴുതുക: